ნოდარ ეგაძე ამერიკაშიც დიდი წარმატებით მოღვაწეობს. აღსანიშნავია ის ფაქტი, რომ მას მდიდარი ცოდნა და გამოცდილება აქვს საკუთარ სფეროში.

მიუხედავად იმისა, რომ თავისუფალი სტილით ჭიდაობა მსოფლიოში ცნობილი უძველესი სპორტია და შეიცავს უამრავ ვარჯიშს, სპორტსმენმა ნოდარ ეგაძემ  მასში დიდი წვლილი შეიტანა. ნოდარ ეგაძე არის კისრის სროლის ტექნიკის ოსტატი, რომელმაც შექმნა საკუთარი უნიკალური წაქცევის სტილი ბრუნვის განსაკუთრებული გამოყენებით. ის აჩვენებს და ავლენს უზარმაზარ გამძლეობას, კონკურენტუნარიანობას და ლიდერობას. ეს მახასიათებლები კი შერწყმულია შრომისმოყვარეობასთან. 

ნოდარ ეგაძეს საკმაოდ ვრცელი ბიოგრაფია აქვს. ამ სპორტით დაკავების შემდეგ აქვს უამრავი გამარჯვება. ყოველწლიურად წარმატებას აღწევდა შრომისმოყვარეობისა და დაუღალავი სამუშაო ეთიკის წყალობით. ტრავმების მიუხედავად, ის ყოველთვის ახერხებდა საუკეთესო ფორმაში ყოფილიყო. სწორედ ამიტომ სპორტსმენი სხვადასხვა დროს, არაერთ ქვეყანაშაში მასტერკლასების ჩასატარებლად იყო მიწვეული.

საკუთარი წარმატების შესახებ ნოდარ ეგაძე FirstNews.ge-ს ესაუბრა:

- რა არის თქვენი სწავლის "საიდუმლო", რომელმაც თავისუფალი სტილით ჭიდაობაში შენი ხელმოწერა აისახა და ბევრი ტურნირი მოიგო?

- უნიკალური წაქცევის სტილი, ბრუნვის განსაკუთრებული გამოიყენებით - ეს ილეთი ერთ-ერთი ვარჯიშის დროს მოვიგონე. ამ ტექნიკით მოვიგე მსოფლიო ჩემპიონატი და გავაგრძელე მისი განხორციელება სხვადასხვა ტურნირებზე. ამის შემდეგ დავიწყე მისი გაზიარება ჩემს კოლეგებთან და მათაც კარგად გამოსდით. ამერიკაშიც სწორედ ამისთვის მომიწვიეს, რომ ჩემეული ილეთის მასტერკლასები ჩამეტარებინა.

ეს ტექნიკა ჩემი "საიდუმლოა". სწორედ მისი წყალობით მოვიგე არაერთი საერთაშორისო ტურნირი.

- ნოდარ, გვიამბეთ როგორ მოხვდით ამერიკაში?

- ჩემი წარმატებების შედეგად და ჩემეული ტექნიკის გასაზიარებლად, მასტერკლასების  ჩასატარებლად მიწვეული ვიყავი გერმანიაში, ესპანეთში, იტალიაში, საფრანგეთში, ინდოეთსა და აშშ-ში. 2017 წლის დასაწყისში კი  ოფიციალურად მიმიწვიეს ინდოეთში, რათა ჩემი უნიკალური ილეთი გამეზიარებინა მათთვის. 2019 წელს კი New York City Regional Training Center - ის მთავარმა მწვრთნელმა კენდალ კროსმა საკუთარ ცენტრში მიმიწვია ტრენერად. ამერიკაში  იმისათვის მიმიწვიეს, რომ ჩემეული ბრძოლის ტექნიკა გამეზიარებინა.

- რა შეგიძლია გვიამბო აშშ-ის ნაკრებზე და როგორია მომზადების პროცესი?

- ზოგადად ვარჯიში ინტენსიურია. ვმუშაობთ როგორც ფიზიკური კონდიციების ამაღლებაზე, ასევე ტაქტიკურად ბრძოლის წაყვანაზე. განვიხილავთ ყველა შესაძლო მეტოქის ძლიერ და სუსტ მხარეებს და ვმუშაობით ამ კუთხით. სპორტსმენებს ვუზიარებ ჩემს ტექნიკას, რისი მეშვეობითაც მათი თამაში მკვეთრად გაუმჯობესდა.

 - ამჟამად რა სამომავლო გეგმები გაქვთ?

- ამჟამად ისევ  ვაგრძელებ ჩემს საქმიანობას, ვატარებ ტრენინგებს და ვცდილობ ჩემი ცოდნა გავუზიარო აქაურ სპორტსმენებს. ასევე, ვმუშაობ საკუთარი თავის გაუმჯობესებაზე და ვვარჯიშობ, რომ სამომავლოდ უფრო მეტად წარმატებული გავხდე.

- FirstNews.ge თქვენს საქმიანობაში წარმატებას გისურვებთ.

- დიდი მადლობა.

ავტორი: ნინო ოთარაშვილი