ვერძი

ეცადეთ ეს დღე ისე დაგეგმოთ, რომ ყველა დაპირება შეასრულოთ და ყველა დაწყებული საქმე ბოლომდე მიიყვანოთ. სასურველია, რომ სახლში ყოფნის ნაცვლად, ხალხში იტრიალოთ და ახალი ინფორმაცია და დადებითი ემოციები მიიღოთ. თუ გადაწყვეტილებაზე ბევრს ნუ იფიქრებთ, ინტუიცია სწორ გზას გიკარნახებთ.

კურო

ცვლილებები, რომლებიც თქვენს ცხოვრებაში გამოჩნდა, უმეტესად დადებითია, ამიტომ ნუ შეეწინააღმდეგებით და შეცდომების დაშვების ნუ შეგეშინდებათ. მოერიდეთ გადაღლას, რადგან ეს სასურველი შედეგის მიღებაში ხელს შეგიშლით. ამ დღეს დაწყებული მსუბუქი ფლირტი შეიძლება სერიოზულ ურთიერთობაში გადაიზარდოს.

ტყუპები

მთელი დღის განმავლობაში ოცნების ღრუბლებში დაფრინავთ, ამიტომ სამუშაო განწყობის შენარჩუნება გიჭირთ. მოერიდეთ საქმეებს, რომლებსაც ყურადღების კონცენტრაცია და ფიქრი სჭირდება. უპირატესობა მიანიჭეთ სამუშაოს, რომელიც შემოქმედებით განწყობას და ფანტაზიას მოითხოვს.

კირჩხიბი

ამ დღეს შეგიძლიათ საკუთარ თავს დასვენების და გართობის უფლება მისცეთ, მაგრამ სიფრთხილეს ნუ დაივიწყებთ და მოსალოდნელი შედეგები გაითვალისწინეთ. უახლოეს ხანებში ფინანსური სირთულეები გელით, ამიტომ გირჩევთ ფული მხოლოდ აუცილებელი ნივთების შესაძენად დახარჯოთ.

ლომი

ეცადეთ, ამ დღეს მეტი კეთილი და საზოგადოებისთვის სასარგებლო საქმე აკეთოთ. ბოლო დროს ნათესავებთან და ოჯახის წევრებთან ნაკლები კონტაქტი გაქვთ, ამიტომ ეცადეთ შეცდომა გამოასწოროთ და ოჯახური წვეულება მოაწყოთ. სახლის დასუფთავება და ძველი, უსარგებლო ნივთების მოცილება ბიოველის გაწმენდაში და დადებითი ენერგიის მოზიდვაში დაგეხმარებათ.

ქალწული

ამ დღეს ინტუიცია გიკარნახებთ, პირველ რიგში რა უნდა აკეთოთ და შემდეგ რა მიმართულებით იმოძრაოთ. გირჩევთ, მეტი პრინციპულობა გამოიჩინოთ და დაწყებული საქმე შუა გზაზე არ მიატოვოთ. ეს როგორც სამუშაოს, ისე პირად ურთიერთობებს ეხება. დღის მეორე ნახევარში არც დასვენება დაივიწყოთ.

სასწორი

კოლეგებთან ურთიერთობისას მეტი სიფრთხილე უნდა გამოიჩინოთ - სავარაუდოდ, მათ შორის ისეთებიც არიან, ვისაც თქვენი შურს და მუშაობაში ხელის შეშლას ცდილობს. სასურველია, მეტი ახალი ადგილი მოინახულოთ და ახალი, საინტერესო ადამიანები გაიცნოთ. გახსოვდეთ, რომ გადაღლა თქვენს ჯანმრთელობაზე უარყოფითად აისახება, ამიტომ არც დასვენება დაივიწყოთ.

მორიელი

მზად იყავით იმისთვის, რომ ვიღაც გეგმების შეცვლას გაიძულებთ. ეცადეთ, საკუთარი პოზიცია ნებისმიერ ფასად დაიცვათ და სხვა ადამიანების გავლენის ქვეშ არ მოექცეთ. გირჩევთ, მთელი ყურადღება მნიშვნელოვანი საკითხების მოგვარებაზე გადაიტანოთ და სხვა ადამიანების პრობლემებზე დროს ნუ დაკარგავთ. გადაწყვეტილება დამოუკიდებლად, ყველა რისკის გათვალისწინებით უნდა მიიღოთ.

მშვილდოსანი

ვარსკვლავები გირჩევენ, რომ ნაკლები იაქტიუროთ და დაკარგული ენერგია აღიდგინოთ. სხვა შემთხვევაში შესაძლოა, თქვენი ჯანმრთელობის მდგომარეობა მკვეთრად გაუარესდეს. ამ შემთხვევაში იძულებული იქნებით, გეგმები შეცვალოთ და მკურნალობა დაიწყოთ. გირჩევთ, საღამო საყვარელ ადამიანებთან ერთად გაატაროთ.

თხის რქა

შესაძლოა, მთელი დღის განმავლობაში გარშემომყოფებთან ურთიერთობის გამო დისკომფორტს გრძნობდეთ, რაც გაუგებრობებსა და კონფლიქტებში გამოიხატება. მარტოობაში გატარებული დღე თხის რქებს საშუალებას მისცემს, რომ მნიშვნელოვან საკითხებს გადახედოს და უახლოესი მომავლის სამოქმედო გეგმა შეადგინოს.

მერწყული

მეგობრები თქვენი აზრის ან რჩევის გასაგებად მოგაკითხავენ. უმჯობესია, მნიშვნელოვანი საქმეების დაწყება სამომავლოდ გადადოთ - მალე შეიძლება პრიორიტეტები მკვეთრად შეიცვალოს და სხვა მიმართულებით მოძრაობა მოგინდეთ. მოერიდეთ უცნობ ადამიანებთან გულწრფელობას, თორემ ძალიან ბევრს ინანებთ.

თევზები

შესაძლოა, მენეჯმენტი თქვენი იდეებით ან გეგმებით დაინტერესდეს და ძლიერი მხარდაჭერა მიიღოთ. მოერიდეთ ნათესავებსა და მეგობრებზე ზეწოლას და განსაკუთრებით, კრიტიკული შენიშვნების მიცემას.