დიეტური ვაშლის ნამცხვარი ფქვილის გარეშე
ინგრედიენტები
- შვრიის ფანტელი - 150 გ
- თაფლი - 40 გ
- ხაჭო - 100 გ
- კვერცხი - 3 ცალი
- კეფირი - 50 მლ
- გამაფხვიერებელი - 1 ჩ/კ
- დარიჩინი - 1/2 ჩ/კ
- ვაშლი - 2 ცალი
- მცენარეული ზეთი
მომზადება:
1. შვრიის ფანტელები დაფქვით ისე, რომ შვრიის ფქვილი მიიღოთ.
2. შვრიის ფქვილს გამაფხვიერებელი დაუმატეთ და კარგად აურიეთ.
3. თასში ხაჭო მოათავსეთ, ჩანგლით ჩაჭყლიტეთ და თაფლი კეფირთან ერთად დაუმატეთ. ყველაფერი ერთგვაროვანი მასის მიღებამდე დააბლენდერეთ.
4. მიღებულ ნარევში კვერცხი ათქვიფეთ და ყველაფერი კარგად აურიეთ.
5. შემდეგ მასას შვრიის ფქვილი გამაფხვიერებელთან ერთად დაუმატეთ და ყველაფერი აურიეთ.
6. ვაშლი გაასუფთავეთ, თესლები მოაშორეთ და მცირე ზომის ნაჭრებად დაჭერით.
8. საცხობი ფორმა (15*20) აიღეთ, მცენარეული ზეთი წაუსვით და პერგამენტის ქაღალდი დააფინეთ. მომზადებული ვაშლი ფორმის ძირში დააწყვეთ, ზემოდან კი ცომი დაასხით. ოდნავ შეანჯღრიეთ, რომ ცომი თანაბრად გადანაწილდეს.
9. 180 გრადუსამდე გაცხელებულ ღუმელში დაახლოებით 30-35 წუთით აცხვეთ.
10. მზა ნამცხვარი გააგრილეთ და სუფრაზე გაიტანეთ!
გემრიელად მიირთვით!
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
