სალათა „მიმოზა“ ორაგულით
ინგრედიენტები :
მარილი
ლიმონის წვენი
მაიონეზი - 250.00 გ
კამა - 1.00 პატარა კონა
მწვანე ხახვი - 5.00 ღერი
მწვანე ვაშლი - 1.00 ცალი
ორაგულის ფილე - 400.00 გ
კვერცხი - 5.00 ცალი
კარტოფილი - 5.00 ცალი
სტაფილო - 5.00 ცალი
მომზადების წესი :
მოხარშეთ სტაფილო და კარტოფილი ადუღებულ მარილწყალში. გააცივეთ და გაფცქვენით. გახეხეთ კარტოფილი და სტაფილო წვრილ სახეხზე.
მოხარშეთ კვერცხი მაგრად. გაფცქვენით კვერცხის გული და ცილა.
ორაგულის ფილე მოხარშეთ ორთქლზე და გააცივეთ.
გაფცქვენით ვაშლი, ამოაჭერით გული და გახეხეთ წვრილად. მოასხით ლიმონის წვენი. წმინდად დაჭერით მწვანე ხახვი და კამა.
გაშლილ თეფშზე მოათავსეთ რგოლი 22-25 სმ დიამეტრის (მოსახერხებელია, გამოიყენოთ ამ მიზნით ტორტის დასაშლელი ფორმაც).
პირველ ფენად გაანაწილეთ რგოლში კარტოფილის ნახევარი, მოაყარეთ ცოტა მარილი, წაუსვით მაიონეზი. მეორე ფენად გაანაწილეთ თევზის ფილე, კვლავ წაუსვით მაიონეზე. მოაყარეთ ხახვი და კამა.
შემდეგ ფენად გაანაწილეთ სტაფილოს ნახევარი, მოაყარეთ ცოტა მარილი, წაუსვით მაიონეზი. გაიმეორეთ კარტოფილის ფენა, თევზი და სტაფილო, წაუსვით ყველა ფენას მაიონეზი.
შემდეგ იქნება გახეხილი ვაშლის ფენა და კვლავ მაიონეზი. გაანაწილეთ კვერცხის დაჭრილი ცილა, წაუსვით მაიონეზი, ბოლო ფენად მოაყარეთ კვერცხის გული.
გადააფარეთ ფრთხილად სალათს საკვების შესაფუთი ცელოფნიდან და მოათავსეთ მაცივარში 2-3 საათით.
სუფრასთან მიტანის წინ გააჩერეთ ოთახის ტემპერატურაზე 15 წუთი. შემდეგ კი მოხსენით სალათას რგოლი.
სიახლეები
- „მოგიწოდებთ მზიას დაუყოვნებლივ გათავისუფლებისკენ“ - პრაღის სამოქალაქო საზოგადოების ცენტრი
- ქობულეთში გამოავლინეს რძის არარეგისტრირებული საწარმო, რომელიც სანიტარული ნორმების დარღვევით მუშაობდა
- “ღმერთმა დაიფაროს ქალბატონი სალომე ზურაბიშვილი, რომ ოპოზიცია გონს მოეგოს, თორემ პირველი სალომეს მიადგებიან პრეტენზიით, აქამდე რატომ გვატყუებდი და გვაცდენდიო” – ხვიჩია
- ილია თოფურიას UFC-ის ახალწვეულის ბარათი აუქციონზე რეკორდულ ფასად, 101,000 დოლარად გაიყიდა
- აფხაზეთის იუსტიციისა და სამოქალაქო ინტეგრაციის მინისტრად ალიონა ჩხოტუა დაინიშნა