ნიგვზიანი ლობიო – მარტივი სამარხვო კერძი იმერეთიდან
იმერული სამზარეულო ძალიან მდიდარია ნიგვზიანი მხალეულითა და მჟავე ხილისგან მომზადებული საწებლებით.
ნიგვზით აზავებენ შემწვარ ან მოხარშულ ბადრიჯანს, ისპანახს, პრასს, წითელ მხალს, კომბოსტოს, კეჟერა მხალს, მოხარშულ სტაფილოს, ლობიოს და სხვა ბოსტნეულს. ნიგვზიანი საკაზმი თითქმის ყველა სახის მხალეულისთვის ერთნაირად მზადდება. მის შემადგენლობაში შედის უცხო სუნელი, ზაფრანა, ხახვი, ნიორი, ნიგოზი, ოხრახუში, ხმელი და ნედლი ქინძი, წითელი ან მწვანე ცხარე წიწაკა (სეზონის მიხედვით), ნიახური, ძმარი და ბროწეულის მარცვლები.
დღევანდელი კერძი, რომელსაც ჩვენი რედაქცია მოგიმზადებთ არის უგემრიელესი ნიგვზიანი ლობიო. მემარხულეებს განსაკუთრებულად რომ ესიამოვნებათ, აი სწორედ ასეთი კერძია ნიგვზიანი ლობიო.
ინგრედიენტები:
500 გ მოხარშული ლობიო
1 ჭიქა ნიგოზი
1 თავი ხახვი
1 ჩ.კ. ყვითელი ყვავილი
1/3 ჩ.კ. ხმელი ქინძი
1 კონა ქინძი და ოხრახუში
3 კბილი ნიორი
მარილი
წიწაკა
ძმარი
1 ს.კ. ბროწეულის მარცვლები
მომზადების წესი:
ნიგოზი გავატაროთ. ნიორი დავნაყოთ, ხახვი და მწვანილი წვრილად დავჭრათ და დავუმატოთ ნიგოზს. დავაყაროთ სანელებლები, დავასხათ ძმარი და ავზილოთ. მასა შევურიოთ ლობიოს და ბოლოს დავუმატოთ ბროწეულის მარცვლები.
სულ ეს არის, ხომ მარტივია? მოამზადეთ და ისიამოვნეთ თქვენი ნახელავით!
სიახლეები
- „საქსტატი“ - 2023 წელს, ემიგრანტების რაოდენობა 95.6%-ით გაიზარდა
- საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ - გერმანიის საგარეო უწყება
- ვიზალიბერალიზაცია დავიწყეთ ჩვენ, მაგრამ ამათმა, როგორც ყველა სხვა დანარჩენი, ესეც უკუღმა წაიყვანეს
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე