მარტივი და გემრიელი ოჯახური კერძი თქვენი სააღდგომო სუფრისთვის
ინგრედიენტები
- ხორცი - 600 გ
- ხახვი - 2-3 ც
- ზეთი - 5-6 სკ
- მარილი - 1 ჩკ
- შავი პილპილი - გემოვნებით
- დაფნის ფოთოლი - 2 ც
- წყალი - 500 მლ (150 მლ ხორცისთვის, 350 - კარტოფილისთვის)
- კარტოფილი - 1 კგ
- ნიორი - 3-4 კბილი
- კარაქი - 1 სკ
- მწვანე ხახვი - სურვილისამებრ
- კეფირი - 130 მლ
- მარილი - 1/3 ჩკ
- სოდა - 1/2 ჩკ
- ლიმონის წვენი - 1/3 ჩკ
- ფქვილი - 150 გ
ხახვი დაჭერით ალყა-ალყად. ქვაბი დადგით ცეცხლზე, დაასხით ზეთი და გადაიტანეთ ხახვი. რამდენიმე წუთში დაუმატეთ დაჭრილი ხორციც (უმჯობესია საქონლის ან ხბოსი). რამდენიმე წუთში დაუმატეთ მარილი, შავი პილპილი და ხორცის სუნელები.
შემდეგ დაუმატეთ წყალი, ქვაბს თავი დაახურეთ და დატოვეთ სანამ ხორცი მოიხარშება.
კარტოფილი დაჭერით კუბიკებად, გადაიტანეთ ქვაბში, მოაყარეთ მარილი, 2 დაფნის ფოთოლი და წყალი. დატოვეთ საშუალო ცეცხლზე.
პატარა ჯამში ერთმანეთს შეურიეთ კეფირი, მარილი, სოდა, ლიმონის წვენი. ბოლოს დაუმატეთ ფქვილი და მოზილეთ ცომი. ცომისგან გააკეთეთ პატარა გუნდები. გადააფარეთ ჩაის ტილო და დააყოვნეთ რამდენიმე წუთით.
ცომის გუნდები თავზე მოაწყვეთ კარტოფილს და გააჩერეთ დაბალ ცეცხლზე 15-20 წუთით.
გამდნარ კარაქს დაუმატეთ დაჭყლეტილი ნიორი და კამა. ეს მასა გადაუსვით კარტოფილსა და ცომის გუნდებს. ერთ დიდ თეფშზე გაადაიტანეთ ხორცი, კარტოფილი და გამომცხვარი ბურთულები.
გემრიელად მიირთვით!
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი