ახალი სასწავლო წელი ონლაინ რეჟიმში განახლდა
დღეს საქართველოში ახალი სასწავლო წელი დაიწყო.
უწყებათაშორისი სააკორდინაციო საბჭოს გადაწყვეტილებით, პროცესი 4 ოქტომბრამდე ონლაინ რეჟიმში წარიმართება.
გამონაკლისს წარმოადგენენ პირველკლასელები, განათლების სამინისტროს გადაწყვეტილებით, ისინი სწავლას 4 ოქტომბერს, პირდაპირ საკლასო ოთახებში იწყებენ.
4 ოქტომბრიდან საკლასო ოთახებსა და აუდიტორიებში სწავლა განახლდება მხოლოდ იმ ქალაქსა თუ სოფელში, სადაც ინფიცირების მაჩვენებელი ოთხ პროცენტზე ნაკლები იქნება.
მსურველებისთვის დისტანციური სწავლის ფორმატი 4 ოქტომბრის შემდეგაც დარჩება ძალაში. მშობელს ექნება საშუალება, აირჩიოს, სურს თუ არა, კვლავ დისტანციურ რეჟიმში სწავლის გაგრძელება.
რაც შეეხება უმაღლეს სასწავლებლებს, 4 ოქტომბრამდე უნივერსიტეტები უფლებამოსილნი არიან, დასწრების ფორმატი უზრუნველყონ იმ სტუდენტებისთვის, რომლებიც მედიცინის საგანმანათლებლო პროგრამის პრაქტიკულ ნაწილს გადიან აუდიტორიებში. ამისათვის კი, სტუდენტებმა უნდა წარადგინონ ვაქცინაციის ცნობა, კვირაში ერთხელ ტესტის უარყოფითი პასუხი, ან ცნობა „კოვიდის“ გადატანის შესახებ.
სიახლეები
- “რევოლუცია არ მოხდება, კარგად გვამეცადინეს, შემოტევებს გავუძელით, არ დარჩა სახელმწიფო, რომელიც ჩვენ წინააღმდეგ არ იბრძოდა, მაგრამ მაგრად დავდექით, რადგან მართლები ვართ” - ირაკლი ზარქუა
- “საკუთარ ხალხს, რწმენას როცა დაივიწყებ, სხვა ქვეყნის ლიდერების ხელში ხდები მარიონეტი” - ირაკლი ზარქუა
- როგორი ამინდია მოსალოდნელი საქართველოში – უახლოესი დღეების ამინდის პროგნოზი
- “ყველა პირველკურსელს გილოცავთ ცხოვრების ახალი ეტაპის დაწყებას – სტუდენტობას; დარწმუნებული ვარ, სწავლისა და განვითარებისთვის ძალ-ღონეს არც მომავალში დაიშურებთ და თქვენი სახით ქვეყანას არაერთი საუკეთესო პროფესიონალი შეემატება” - პრემიერი
- “გამუდმებით ერთი სცენარია - „მე ამასთან არ დავჯდები, მე უფრო ჭკვიანი და ლამაზი ვარ“, გამოსავალი მარტივია: ინიციატივა აიღოს ხალხმა და ხალხი გავერთიანდეთ!” - ლევან ხაბეიშვილი
