ბაიდენის ბრძანებით, 11 სექტემბრის ტერაქტის მასალების ნაწილი გასაჯაროვდება

მსოფლიო სექტემბერი 04 2021 font size შრიფტის დაპატარავება increase font size

აშშ-ის პრეზიდენტმა გამოსცა ბრძანება, რომელიც 2001 წლის 11 სექტემბრის ტერაქტთან დაკავშირებული მასალების ნაწილის განსაიდუმლოებას ეხება.

ჯო ბაიდენის განცხადებით, 11 სექტემბრის 20 წლისთავის წინ, ამერიკელი ხალხი იმსახურებს უფრო სრულყოფილი სურათის დანახვას იმაზე, რაც ხელისუფლებამ იცის ამ თავდასხმების შესახებ.

მისივე თქმით, შეერთებული შტატების მთავრობამ უნდა შეინარჩუნოს მაქსიმალური გამჭვირვალობა და მასალები საიდუმლოდ უნდა დარჩეს მხოლოდ კონკრეტულ და აუცილებელ შემთხვევებში.

ბაიდენმა გენერალურ პროკურორს დაავალა, 2001 წლის 11 სექტემბრის ტერაქტთან დაკავშირებული დოკუმენტების ღია მასალები ექვს თვეში გავრცელდეს.

წაკითხვა 408 ჯერ