„ეს პუტინის ომია. ამიტომ, ეს ჩემთვის რთული სათქმელია“
გერმანიის კანცლერი რუსეთის ყველა მოქალაქისთვის ვიზების შეჩერების წინააღმდეგია. ამის შესახებ ოლაფ შოლცმა ჟურნალისტებთან გამართული შეხვედრის დროს დასმულ კითხვებზე საპასუხოდ გააკეთა.
როგორც გერმანიის კანცლერმა განაცხადა, ის არ მიიჩნევს გამართლებულად რუსეთის ყველა მოქალაქისთვის ვიზების გაცემის შეჩერებას. შოლცის განცხადებით, „ეს პუტინის ომია“.
„ეს პუტინის ომია. ამიტომ, ეს ჩემთვის რთული სათქმელია“, – განაცხადა შოლცმა.
შოლცმა ასევე განაცხადა, რომ გერმანია გააგრძელებს უკრაინის სამხედრო მხარდაჭერას, ხოლო ევროკავშირი რუსეთის წინააღმდეგ სანქციების დაწესებას. მისივე თქმით, რუსეთს მოუწევს უკრაინასთან მოლაპარაკება.
„ამ ომისთვის პასუხისმგებლობა ეკისრება რუსეთის პრეზიდენტს. რუსეთმა უნდა გააცნობიეროს, რომ მას უკრაინასთან შეთანხმება მოუწევს. რუსეთის მიერ თავსმოხვეული მშვიდობა არ დამყარდება. ამან არ უნდა იმუშაოს და ვერ იმუშავებს“, – განაცხადა ოლაფ შოლცმა.
შეგახსენებთ, რომ მანამდე, უკრაინის პრეზიდენტმა მოუწოდა ევროკავშირს რუსეთის მოქალაქეებისთვის ვიზების გაცემა შეაჩეროს. ანალოგიური განცხადება გააკეთეს ევროკავშირის წევრ რამდენიმე ქვეყანაში, მათ შორის ფინეთსა და ლატვიაში.
სიახლეები
- " პაპი ფრანცისკე ჩვენი დროის ერთ-ერთი ყველაზე მნიშვნელოვანი ლიდერი იყო" - ჯო ბაიდენი
- მსოფლიო ლიდერები პაპ ფრანცისკეს გარდაცვალებას ეხმაურებიან
- "ღრმა მწუხარებას გამოვთქვამ პაპი ფრანცისკეს გარდაცვალების გამო - მისი მშვიდობის, თანაგრძნობისა და ერთიანობის მემკვიდრეობა გაგრძელდება"
- "ჩემი ფიქრები მილიონობით კათოლიკესთანაა, რომლებიც პაპ ფრანცისკეს გარდაცვალებას გლოვობენ" - სალომე ზურაბიშვილი
- რომის პაპი ფრანცისკე 88 წლის ასაკში გარდაიცვალა