ერევნის სავაჭრო ცენტრში აფეთქების შედეგად დაღუპულთა რიცხვი ხუთამდე გაიზარდა
ერევნის სავაჭრო ცენტრში აფეთქების შედეგად დაღუპულთა რიცხვი ხუთამდე გაიზარდა, დაშავებულია 61 ადამიანი.
ტრაგედიის ადგილზე დღეს დილიდან მივიდნენ ქვეყნის პრემიერ-მინისტრი ნიკოლ ფაშინიანი და დედაქალაქის მერი ჰრაჩია სარქისიანი. შინაგან საქმეთა სამინისტრო აფეთქების შედეგად დაკარგულთა სიას აქვეყნებს, რომელშიც 25 ადამიანია. ისინი სავარაუდოდ ნანგრევებში არიან მოყოლილები.
დაშავებულებს შორის არიან ხუთი წლის გოგონა და ორსული ქალი. ექიმები აცხადებენ, რომ 36 დაშავებულის მდგომარეობა საშუალო სიმძიმისაა. 22 დაზარალებული უკვე გაწერეს საავადმყოფოდან.
სომხეთის დედაქალაქ ერევანში მდებარე სავაჭრო ცენტრში აფეთქება 14 აგვისტოს, შუადღისას მოხდა. აფეთქება სავარაუდოდ სავაჭრო ცენტრში მდებარე პიროტექნიკის საწყობში მოხდა. ცეცხლის ლოკალიზება მეხანძრეებმა რამდენიმე საათის შემდეგ შეძლეს.
სიახლეები
- "დარწმუნებული ვარ, რომ საქართველო, მოლდოვა და უკრაინა მალე ერთად წაიწევენ წინ ევროპულ გზაზე" - სალომე ზურაბიშვილი
- ბედნიერი ქორწინების სამი ოქროს წესი ზოდიაქოს ნიშნის მიხედვით
- "პუტინის სამშვიდობო გეგმა არასერიოზულია"- ოლაფ შოლცი
- "დარწმუნებული ვარ, დადგება დღე, როდესაც უკრაინა და საქართველო ევროკავშირის ნაწილი იქნებიან - ერთად და სამუდამოდ" - ზელენსკი
- როგორი ამინდია მოსალოდნელი საქართველოში