მისივე თქმით, უნგრეთი უკრაინის მეზობელი ქვეყანაა და მასზე ომის ყველა ტრაგიკული გავლენა აისახება.

„ჩვენ უკრაინის მეზობელი ქვეყანა ვართ და ომის ყველა ტრაგიკული გავლენა ჩვენზე სერიოზულად აისახება. უკრაინიდან ერთ მილიონზე მეტი დევნილი მივიღეთ, ჩვენი ქვეყნისთვის უდიდეს და უპრეცედენტო ჰუმანიტარულ საკითხზე გვიწევს ზრუნვა. ჩვენზე გავლენას ახდენს ეკონომიკური ცვლილებები და გვირტყამს ენერგეტიკის უკიდურესად გაზრდილი ფასებიც. ასე რომ, ჩვენი სურვილი მარტივად გამოითქმის, ერთ სიტყვაში – მშვიდობა. ამიტომ იმედი მაქვს, ახლა როდესაც შეხვედრის ოთახში შევალთ, კონცენტრირებული ვიქნებით გადაწყვეტილებებზე, რომლებიც მშვიდობას უზრუნველყოფს და არ იქნება არანაირი წინადადებები, რომლებიც ომის ესკალაციას გამოიწვევს. მშვიდობა ჩვენი ნომერ პირველი ამოცანაა“, – განაცხადა პიტერ სიიარტომ.

პიტერ სიიარტომ კითხვის საპასუხოდ ასევე კომენტარი გააკეთა საკითხზე, რომელიც რუსეთის მოქალაქეებისთვის ვიზების აკრძალვას ეხება.

„რაც შეეხება კითხვას, არ მგონია, ვიზების აკრძალვა იმ გადაწყვეტილებებს შორის იყოს, რომელიც ამ სიტუაციისთვის შესაბამისია“, – განაცხადა პიტერ სიიარტომ.