"რუსეთი სრულად უნდა იქნეს იზოლირებული და უნდა დაისაჯოს"
უკრაინის პრეზიდენტმა ვოლოდიმირ ზელენსკიმ 11 ოქტომბერს „დიდი შვიდეულის“ სამიტისადმი ონლაინ მიმართვაში თქვა, რომ აუცილებელია რუსეთიდან ნავთობისა და გაზის ექსპორტზე ფასების მკაცრი ზედა ზღვრის დაწესება. მან ისაუბრა იმაზე, რომ 10 და 11 ოქტომბერს რუსეთმა წამოიწყო ესკალაციის ახალი ტალღა, როცა ქალაქებსა და ენერგეტიკულ ინფრასტრუქტურაზე მის სარაკეტო იერიშებს 19 ადამიანის სიცოცხლე ემსხვერპლა.
რუსეთი სრულად უნდა იქნეს იზოლირებული და უნდა დაისაჯოს, თქვა ზელენსკიმ.
„დიდი შვიდეულის“ ლიდერებმა თავიანთ ერთობლივ განცხადებაში დაგმეს რუსეთის მიერ უკანასკნელ დღეებში განხორციელებული სარაკეტო იერიში და განაცხადეს, რომ პასუხს აგებინებენ რუსეთის პრეზიდენტ ვლადიმირ პუტინს და სხვა პასუხისმგებელთ. მათ თქვეს, რომ უკრაინას იმდენ ხანს დაეხმარებიან, რამდენ ხანსაც ეს საჭირო იქნება.
„დიდი შვიდეულისადმი“ მიმართვაში ზელენსკიმ დახმარება ითხოვა მეტი საჰაერო თავდაცვის სისტემების სახით, რათა გააუვნებლონ საჰაერო თავდასხმები. მისი თქმით, როცა უკრაინა ასეთ სისტემებს მიიღებს, „რუსეთის ტერორის საკვანძო ელემენტი - სარაკეტო დარტყმები - აღარ იმოქმედებს.“
ზელენსკიმ „დიდ შვიდეულს“ სთხოვა, მხარი დაუჭირონ მის ინიციატივას, რომ უკრაინისა და ბელარუსის საზღვარზე საერთაშორისო მისია გაიგზავნოს უსაფრთხოების ვითარებაზე დასაკვირვებლად.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
