უკრაინის მიერ მოგერიებული რუსული რაკეტის ნამსხვრევები მოლდოვაში ჩაცვივდა
ჩრდილოეთ მოლდოვაში, უკრაინის მოსაზღვრე ერთ-ერთ სოფელში (Nanacea) უკრაინის მიერ მოგერიებული რუსული რაკეტის ნამსხვრევები ჩაცვივდა, - ამის შესახებ Reuters-ი წერს.
მოლდოვას შინაგან საქმეთა სამინისტროში აცხადებენ, რომ შემთხვევის შედეგად არავინ დაშავებულა, თუმცა დასახლებაში რამდენიმე საცხოვრებელი სახლის ფანჯრები ჩაიმსხვრა.
არსებული ინფორმაციით, რუსების სამიზნე უკრაინასა და მოლდოვას საზღვარზე მდებარე მდინარეზე არსებული კაშხალი იყო, რომელიც უკრაინას ეკუთვნის.
მოლდოვას შინაგან საქმეთა მინისტრი რუსეთის ქმედებებს გმობს და აცხადებს, რომ ენერგეტიკულ ინფრასტრუქტურებზე თავდასხმებმა და მდინარეების მიზანში ამოღებამ, შეიძლება, მთელი რეგიონი წყალდიდობის საფრთხის წინაშე დააყენოს.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
