"კარგი იქნებოდა, პუტინი „დიდი ოცეულის“ სამიტზე ჩასულიყო, თუმცა მაშინ კრიტიკის მოსმენა პირადად მოუწევდა"
გერმანიის კანცლერის თქმით, კარგი იქნებოდა, პუტინი „დიდი ოცეულის“ სამიტზე ჩასულიყო, თუმცა მაშინ რუსეთის პრეზიდენტს კრიტიკის მოსმენა პირადად მოუწევდა. ოლაფ შოლცის განცხადებას გერმანული გამოცემა „შპიგელი“ ავრცელებს.
„კარგი იქნებოდა, პრეზიდენტი პუტინი თავად ჩასულიყო „დიდი ოცეულის“ სამიტზე, თუმცა მაშინ მას მოუწევდა, პირადად მოესმინა ყველა კითხვა და კრიტიკა, რომელიც მის მიმართ სახელმწიფოების უმეტესობას აქვს. სავარაუდოდ, სწორედ ამიტომ არ არის აქ პუტინი“, – განაცხადა შოლცმა.
მან ასევე აღნიშნა, რომ პრეზიდენტ პუტინის უარი, ჩავიდეს „დიდი ოცეულის“ სამიტზე, სხვა ქვეყნებს არ შეუშლის ხელს, გააკრიტიკონ რუსეთის დამპყრობლური ომი უკრაინაში, მოუწოდონ მოსკოვს, გაიყვანოს სამხედროები უკრაინიდან და შექმნას პირობები სამშვიდობო მოლაპარაკებებისთვის.
სიახლეები
- “ქუთაისის საერთაშორისო უნივერსიტეტში საქმიანობას აკადემიური სექტორის მნიშვნელოვან პოზიციაზე ვიწყებ” - ირაკლი შენგელია
- “რუსეთს შემოდგომიდან მოლდოვაზე კონტროლის მოპოვება სურს” - ვახტანგ მაისაია
- 2 თვე არჩევნებამდე და 2 დღე ოპოზიციის საბოლოო პასუხამდე - ვის წარადგენს ოპოზიცია მერობის კანდიდატად
- „მთელი გულით მზად ვარ იმ გზისთვის, რომელიც წინ მელოდება“ - ნანა კუხალეიშვილი
- "ბიძინა დავამარცხოთ-თქო, პროტესტი გავააქტიუროთ-თქო, მგელს პირში ვუვარდები და აქეთ „ოპოზიციურ“ ველზე გამოჩნდნენ ნოსტრადამუსები"
