June 12, 2024

"მსოფლიო პირდაპირ ეთერში უყურებს მანიაკის, ვამპირ ნეთანიაჰუს ბარბაროსობას" - ერდოღანი

მსოფლიო პირდაპირ ეთერში უყურებს პაციენტის, მანიაკის, ფსიქოპატის და სისხლით მკვებავი ვამპირის, სახელად ბენიამინ ნეთანიაჰუს ბარბაროსობას, – ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

თურქეთის პრეზიდენტის თქმით, გენოციდი, სისასტიკე, ბარბაროსობა სასწრაფოდ უნდა შეწყდეს კაცობრიობის ალიანსით, ვიდრე გვიანი არ არის, ვიდრე ბენიამინ ნეთანიაჰუ და მისი მკვლელობის ქსელი მთლიანად გამოვა კონტროლიდან.

 

ერდოღანის განცხადებით, მსოფლიო ვერ იპოვის მშვიდობას, ვიდრე გენოციდის მომწყობი დამნაშავეები კანონის წინაშე არ გასამართლდებიან.

 

„მსოფლიო არ დაივიწყებს გარდაცვლილ ჩვილებს, ბავშვებს და უდანაშაულო მოქალაქეებს. ეს ბარბაროსობა, რომელიც სამიზნეში იღებს საავადმყოფოებს, უნივერსიტეტებს, მეჩეთებს, ეკლესიებსა და ლტოლვილთა ბანაკებს, არ იქნება დავიწყებული. ეს სისასტიკე, რომელმაც განზრახ მოკლა ჟურნალისტები და მეცნიერები, არ იქნება დავიწყებული. ჩვენ ვხედავთ, რომ ისრაელის ადმინისტრაცია და სიონისტური ლობი ცდილობს, ზეწოლა მოახდინოს მართლმსაჯულების სასამართლოზე და მოსამართლეებზე ღია მუქარით. მათ ამის საშუალება არ უნდა მიეცეთ. ისრაელს ხელი უნდა შეეშალოს სამართლიანობის გამოვლინების ბოლო ნატეხის განადგურებაში“, – განაცხადა თურქეთის პრეზიდენტმა.

წაკითხვა 75 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.