"რუსეთის ტერიტორიაზე, ისტორიაში პირველად, „სუ-57“ განადგურდა" - უკრაინის დაზვერვა
რუსეთის ფედერაციის ასტრახანის ოლქში, ახტუბინსკის აეროდრომის ტერიტორიაზე, რომელიც ფრონტის ხაზიდან 589 კილომეტრში მდებარეობს, რუსეთის მრავალფუნქციური მოიერიშე თვითმფრინავი „სუ-57“ განადგურდა, - ამის შესახებ უკრაინის თავდაცვის სამინისტროს მთავარი სადაზვერვო სამმართველო აეროდრომზე მდგომი თვითმფრინავის სატელიტურ სურათებზე დაყრდნობით იუწყება.
დაზვერვის ინფორმაციით, ფოტოებზე ჩანს, თუ როგორ იდგა „სუ-57“ აეროდრომზე 7 ივნისს დაუზიანებელი, 8 ივნისს კი მის მახლობლად აფეთქების კრატერები და ხანძრის დამახასიათებელი ლაქები გაჩნდა.
„სუ-57-ის განადგურება პირველი ასეთი შემთხვევაა ისტორიაში“, - აღნიშნულია უკრაინის დაზვერვის ინფორმაციაში.
„სუ-57“-ი მოსკოვის ყველაზე თანამედროვე გამანადგურებელია, რომელსაც შეუძლია დარტყმისთვის Х-59 და Х-69 რაკეტები გამოიყენოს.
სიახლეები
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
- "ვმუშაობთ, რომ საქართველოს რიგით მოქალაქეებს უვიზო მიმოსვლა არ გაუუქმდეთ"- გიორგი გახარია
- "ახალგაზრდა ქართველი აქტივისტების წინააღმდეგ სადამსჯელო ღონისძიებები მიმდინარეობს"- პრეზიდენტი
- "აქცია რომც დაარბიონ, დამერწმუნეთ, ეს პროტესტი უფრო გაიზრდება" - მამუკა ხაზარაძე
- "უკრაინას ჯერ სამართლიანი მშვიდობა სჭირდება და ამის შემდეგ უკრაინელები სამართლიან არჩევნებს ჩაატარებენ" - ზელენსკი
