მისი თქმით, ჰარისისა და უოლცის არჩევა იოლი არ იქნება.

„დაძაბული რბოლა იქნება დაყოფილ ქვეყანაში. ქვეყანაში, სადაც ძალიან ბევრ ამერიკელს არ სჯერა, რომ მთავრობას შეუძლია დაეხმაროს. ადამიანები, რომლებიც წყვეტენ ამ არჩევნების ბედს, სვამენ ძალიან მარტივ კითხვას, ვინ იბრძოლებს ჩემთვის? ვინ იფიქრებს ჩემს მომავალზე? ჩემი შვილების მომავალზე? ერთი რამ ცხადია: დონალდ ტრამპი არ იტეხს ძილს ამ კითხვაზე. ჩვენი ამოცანაა დავარწმუნოთ ხალხი, რომ დემოკრატიას შეუძლია რეალურად მიაღწიოს წარმატებას. კამალას ესმის ეს“, - აღნიშნა ობამამ.

ყოფილი პრეზიდენტის თქმით, რესპუბლიკელების საპრეზიდენტო კანდიდატი, დონალდ ტრამპი ძალაუფლებას მხოლოდ მიზნების მიღწევის საშუალებად განიხილავს.

„მან მოკლა ორპარტიული საიმიგრაციო შეთანხმება, რომელიც ხელს შეუწყობდა ჩვენი სამხრეთ საზღვრის დაცვას, რადგან ფიქრობდა, რომ პრობლემის რეალურად გადაწყვეტის მცდელობა დააზარალებს მის კამპანიას“, - აღნიშნა ობამამ.

მისი თქმით, ტრამპი, რომელსაც არ შეუწყვეტია ქვითინი თავის პრობლემებზე, ეშინია კამალა ჰარისთან დამარცხების და ავრცელებს შეთქმულების თეორიებს, სახიფათოა ამერიკისთვის.

„არ გვჭირდება ტრაბახის, უუნარობისა და ქაოსის კიდევ ოთხი წელი. ეს ფილმი ადრეც გვინახავს და ყველამ ვიცით, რომ გაგრძელება, როგორც წესი, უარესია“, - აღნიშნა ყოფილმა პრეზიდენტმა.