ბატონმა პუტინმა ჩვენს არჩევნებზე საუბარი და მასში ჩარევა უნდა შეწყვიტოს, წერტილი - თეთრი სახლი
ბატონმა პუტინმა უნდა შეწყვიტოს ჩვენს არჩევნებზე საუბარი, წერტილი. მან, ასე თუ ისე, უპირატესობა არავის უნდა მიანიჭოს, - ამის შესახებ თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში ჯონ კირბიმ განაცხადა, როდესაც უპასუხა შეკითხვას რუსეთის პრეზიდენტ ვლადიმერ პუტინის განცხადებასთან დაკავშირებით, რომლის თქმითაც, აშშ-ის საპრეზიდენტო არჩევნებში უპირატესობას კამალა ჰარისს ანიჭებს.
„ერთადერთი, ვინც უნდა განსაზღვროს, ვინ იქნება შეერთებული შტატების შემდეგი პრეზიდენტი, არის ამერიკელი ხალხი და დიდად მადლიერი ვიქნებით, თუ ბატონი პუტინი, შეწყვეტს ჩვენს არჩევნებზე საუბარს და შეწყვეტს მასში ჩარევას“, - აღნიშნა ჯონ კირბიმ.
ცნობისთვის, რუსეთის პრეზიდენტმა, ვლადიმერ პუტინმა გუშინ განაცხადა, რომ აშშ-ის საპრეზიდენტო არჩევნებში მხარს კამალა ჰარისს უჭერს.
„ვამბობდი, რომ ჩვენი ფავორიტი, თუ შეიძლება ასე ითქვას, მოქმედი პრეზიდენტი, ბატონი ბაიდენი იყო. ის მოხსნეს რბოლიდან და მან რეკომენდაცია მისცა ყველა თავის მხარდამჭერს, რომ მხარი დაუჭირონ ქალბატონ ჰარისს. ასე რომ, ჩვენც ასე მოვიქცევით, მხარს დავუჭერთ მას“, - აღნიშნა პუტინმა.
სიახლეები
- სააგენტომ „აწარმოე საქართველოში“ დაიწყო მიკრო და მცირე მეწარმეობის მხარდაჭერის ახალი პროგრამა
- ,,ვგმობ პოლიტიკურ ძალადობას მოხარული ვარ, რომ დონალდ ტრამპი უსაფრთხოდ არის"- კამალა ჰარისი
- ,,მე უსაფრთხოდ ვარ და თავს კარგად ვგრძნობ"- დონალდ ტრამპი
- ,,სიმდიდრეს, მატერიალურსაც და არამატერიალურსაც, არ უნდა მივანიჭოთ თვითკმარი მნიშვნელობა"- მეუფე შიო მუჯირი
- ,,ეს არის ძალიან პრინციპული არჩევნები, გადამწყვეტი რეფერენდუმი, სადაც მოსახლეობა აკეთებს მარტივ არჩევანს – ან ომი, ან მშვიდობა"- ირაკლი კობახიძე
