ქარიშხალი ,,ჰელენის” შედეგად აშშ-ში დაღუპულთა რაოდენობა 105-მდე გაიზარდა
ამერიკის შეერთებულ შტატებში ქარიშხალი „ჰელენის“ გამო დაღუპულთა რაოდენობა, სულ მცირე, 105 ადამიანამდე გაიზარდა.
BBC-ს ინფორმაციით, შტორმი ქვეყნის სამხრეთ-აღმოსავლეთს დაატყდა თავს და მოსალოდნელია, რომ გარდაცვლილთა რაოდენობა კიდევ გაიზრდება, რადგან დიდია უგზო-უკვლოდ დაკარგულთა რიცხვი.
„ჰელენი“ ფლორიდის ისტორიაში ყველაზე ძლიერი ქარიშხალია. შემდეგ მან ჯორჯიას, ჩრდილოეთ და სამხრეთ კაროლინას და ტენესის შტატებს გადაუარა. დაღუპულთა უმეტესობა კაროლინაში დაფიქსირდა, სადაც „ჰელენი“ ტროპიკულ შტორმში გადაიზარდა“, – განაცხადა ჩრდილოეთ კაროლინას გუბერნატორმა როი კუპერმა.
გადარჩენილთა ძებნა გრძელდება და ექვს შტატში, მათ შორის ფლორიდასა და ჯორჯიაში, ფედერალური საგანგებო მდგომარეობა გამოცხადდა. მიუხედავად იმისა, რომ „ჰელენი“ საგრძნობლად შესუსტდა, სინოპტიკოსები აცხადებენ, რომ ძლიერი ქარი, წყალდიდობა და ტორნადოების საფრთხე შეიძლება გაგრძელდეს.
სიახლეები
- ნიგერიაში ლომმა ზოოპარკის თანამშრომელი მოკლა
- 2024 წლის აგვისტოში, მშპ-ს ზრდამ 12.0 პროცენტი შეადგინა, ხოლო მიმდინარე წლის პირველი რვა თვის საშუალო მაჩვენებელი 10.0 პროცენტით განისაზღვრა -" საქსტატი"
- " მოსამართლემ მიიღო გადაწყვეტილება, რომ ჩვენს ემიგრანტებს ხმის უფლება წაართვას - კიდევ ერთხელ დადასტურდა, რომ ყველა შტო ჩართულია ბიძინა ივანიშვილის დავალების შესრულებაში " - თამარ კორძაია
- " მინდა საქართველოში გავხსნა პატარ-პატარა დარბაზები - იმ თანხასაც, რასაც მთავრობა მაძლევს, სრულად გამოვიყენებ ქველმოქმედებაში " - მერაბ დვალიშვილი
- " უკრაინა მოიგებს ამ ომს " - ჯო ბაიდენი