სლოვაკეთის პრემიერ-მინისტრი რობერტ ფიცო აცხადებს, რომ სანამ პრემიერია, სლოვაკეთი მხარს არ დაუჭერს ნატოში უკრაინის მიღებას
ნატოს და ევროკავშირის წევრი სლოვაკეთის პრემიერ-მინისტრი რობერტ ფიცო მიიჩნევს, რომ ნატოში უკრაინის გაწევრება მესამე მსოფლიო ომის დაწყების საფუძველი გახდება. ფიცოს თანახმად, სანამ ის პრემიერ-მინისტრია, სლოვაკეთი არ დასთანხმდება ნატოში უკრაინის მიღებას. როგორც გერმანული DW წერს, ფიცომ ეს განაცხადა 6 ოქტომბერს, სლოვაკეთის საზოგადოებრივ მაუწყებელთან ინტერვიუში.
რობერტ ფიცოს თქმით, პარლამენტში თავისი პარტიის წევრებს, როგორც პარტიის თავმჯდომარე, მისცემს მითითებას, რომ არასდროს დაუჭირონ მხარი ნატოში უკრაინის მიღებას. ალიანსში ახალი ქვეყნის საბოლოოდ მიღებას ყველა წევრი სახელმწიფოს პარლამენტის თანხმობა სჭირდება.
მემარცხენე-ცენტრისტული პარტიის თავმჯდომარე რობერტ ფიცო სლოვაკეთის პრემიერ-მინისტრი გახდა 2023 წლის საპარლამენტო არჩევნების შედეგად. მომდევნო არჩევნები 2027 წელს ჩატარდება.
სლოვაკეთის პრემიერი, რომელიც ომის 2027 წლამდე დასრულების შემთხვევაში, რუსეთთან ურთიერთობების აღდგენას აპირებს, მიიჩნევს, რომ უკრაინაში ომი მხოლოდ იმიტომ გრძელდება, რომ მას დასავლეთი უჭერს მხარს რუსეთის დასაჩოქებლად.
სიახლეები
- ,,სალომე ზურაბიშვილს თავი ფარაონი ჰგონია"- გურამ მაჭარაშვილი
- ,,ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი მათ, ხალხს მოუსმინონ"- შალვა პაპუაშვილი
- ,,შევდივარ ოპოზიციის მდგომარეობაში, რთულია ყოველდღე აქციები ატარო, თან როცა ქუჩის ქარიზმატული ლიდერები არ გვყავს"- გია ხუხაშვილი
- ,,იდიოტიზმს, რომელიც ახლა აქვთ მოწყობილი, იმ უიდეობას, რომელიც ახლა თბილისის ქუჩებში ხდება, სჯობს, დროზე შევიდნენ პარლამენტში"- იაგო ხვიჩია
- ძლიერ ქარიშხალს ორი ადამიანი ემსხვერპლა ვაშინგტონში
