ზაპაროჟიეზე რუსეთმა სარაკეტო იერიში მიიტანა
სულ მცირე, შვიდი ადამიანი დაიჭრა უკრაინის ქალაქ ზაპოროჟიეზე რუსეთის ჯარების დღევანდელი სარაკეტო შეტევის შედეგად. ადგილობრივი ხელისუფლების ინფორმაციით, ორი დაშავებულის მდგომარეობა მძიმეა.
საოლქო-სამხედრო ადმინისტრაციის ცნობით, სარაკეტო შეტევა დილით განხორციელდა ქალაქ ზაპოროჟიეს ცენტრზე, სადაც დაზიანებული ან ნაწილობრივ დანგრეულია 30-ზე მეტი სახლი და საერთო საცხოვრებლის და საბავშვო ბაღის შენობები.
უკრაინის საგანგებო სიტუაციების სამსახურის ინფორმაციით, ზაპოროჟიეში სამძებრო-სამაშველო სამუშაოები გრძელდება.
უკრაინის სამხრეთში მდებარე ზაპოროჟიეს ოლქის ნაწილი რუსეთის მიერაა ოკუპირებული. რუსულმა არმიამ ეს ტერიტორია უკრაინაში ფართომასშტაბიანი შეჭრიდან მალევე, 2022 წლის გაზაფხულზე დაიკავა. მათ შორის ევროპაში უდიდესი ზაპოროჟიეს ატომური ელექტროსადგური, რომელიც ქალაქ ენერგოდართან მდებარეობს.
ოლქის ნაწილს, მათ შორის ადმინისტრაციულ ცენტრს, ქალაქ ზაპოროჟიეს, ისევ უკრაინის ხელისუფლება აკონტროლებს.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
