" ვცდილობთ, შევაჩეროთ უკრაინაში მიმდინარე ომი - უკრაინის აღდგენას 100 წელი დასჭირდება"- დონალდ ტრამპი
შეერთებული შტატების არჩეული პრეზიდენტის, დონალდ ტრამპის განცხადებით, ომის შედეგად განადგურებული უკრაინის ქალაქების აღდგენას 100 წელი დასჭირდება.
„უყურებ ზოგიერთ ქალაქს და არც ერთი შენობა არ დგას. ეს არის 100 წლიანი რეკონსტრუქცია. 100 წელი დასჭირდება მის აღდგენას და ვერასდროს გექნება ისეთი, როგორიც იყო. რა სირცხვილია. ეს არასდროს არ უნდა მომხდარიყო. პრეზიდენტი რომ ვყოფილიყავი, ეს ომი არასდროს მოხდებოდა“, - ტრამპმა ჟურნალისტებს.
მისი თქმით, ცდილობენ, რუსეთ-უკრაინის ომი შეაჩერონ და ამ მხრივ მცირე პროგრესიც არის.
„ვცდილობთ, შევაჩეროთ ომი, ის საშინელი ომი, რომელიც მიმდინარეობს უკრაინაში. მცირე პროგრესი გვაქვს. საზიზღრობაა. ადამიანები კლავენ ერთმანეთს იმ დონეზე, რომელიც არავის უნახავს. ძალიან სწორი ველებია და ერთადერთი, რაც აჩერებს ტყვიას, არის სხეული, ადამიანის სხეული. ჯარისკაცების რაოდენობა, რომლებიც ორივე მხრიდან იღუპებიან, ასტრონომიულია. მსგავსი არაფერი მინახავს. არავის მსგავსი არაფერი უნახავს“, - აღნიშნა ტრამპმა.
მისი თქმით, უკრაინის პრეზიდენტ ვოლოდიმირ ზელენსკისთან და რუსეთის პრეზიდენტ ვლადიმირ პუტინთან ომის დასრულების შესახებ მოლაპარაკებებს გეგმავს.
“ზელენსკი მზად უნდა იყოს გარიგებისთვის და პუტინმაც უნდა დადოს გარიგება“, - აღნიშნა ტრამპმა.
სიახლეები
- ,,სალომე ზურაბიშვილს ისევ ოპოზიცია დაუპირისპირა „დიფ სთეითმა”, მას, როგორც ვადაგასულ პროდუქტს, ჩამოწერენ ქართული პოლიტიკიდან"- ირაკლი კობახიძე
- ,,ვერცერთი სცენარის პირობებში ვერავინ შეარყევს ქართული სახელმწიფოს სუვერენიტეტს და დამოუკიდებლობას"- ირაკლი კობახიძე
- ოკუპირებულ აფხაზეთსა და რუსეთს შორის რეგულარული ფრენები პირველი მაისიდან დაიწყება
- სუსის უფროსის თანამდებობაზე პარლამენტმა ანრი ოხანაშვილი აირჩია
- ,,ცვლილებები ცესკო-ში იმის მაჩვენებელია, რომ ძალიან ნერვიულობენ და არჩევნებისთვის ემზადებიან "- სალომე ზურაბიშვილი
