"არიან ადამიანები, რომლებსაც ნაპოლეონის პერიოდში დაბრუნება სურთ და ავიწყდებათ, რით დასრულდა ეს" - ვლადიმერ პუტინი
არიან ადამიანები, რომლებსაც ნაპოლეონის პერიოდში დაბრუნება სურთ და ავიწყდებათ, რით დასრულდა ეს, – ასე გამოეხმაურა რუსეთის პრეზიდენტი ვლადიმერ პუტინი საფრანგეთის პრეზიდენტ ემანუელ მაკრონის განცხადებას, რომელმაც რუსეთს ევროპისთვის საფრთხე უწოდა და ბირთვული შეკავების დისკუსიის გახსნის წინადადებით გამოვიდა.
„ამ დრომდე ზოგიერთი ვერ ისვენებს. კიდევ არიან ადამიანები, რომლებსაც სურთ ნაპოლეონის პერიოდში დაბრუნება, ავიწყდებათ, რით დასრულდა ეს“, – თქვა პუტინმა.
ამასთან, პუტინს არ დაუსახელებია საფრანგეთის პრეზიდენტი.
რუსეთის პრეზიდენტმა ეს განცხადება ფონდ „მამულის დამცველების“ ქალ თანამშრომლებთან და ბენეფიციარებთან შეხვედრისას განაცხადა, რომელსაც ესწრებოდნენ უკრაინაში ე.წ. სპეციალური სამხედრო ოპერაციის მონაწილეთა დედები და მეუღლეები.
„ჩვენი მტრების, მოწინააღმდეგეების ყველა შეცდომა იწყებოდა სწორედ იმით, რომ ისინი სათანადოდ ვერ აფასებდნენ რუსი ადამიანის და ზოგადად რუსული კულტურის წარმომადგენლების ხასიათს“, – აღნიშნა პუტინმა.
სიახლეები
- "საქართველოში 2024 წელს დაფიქსირდა მაღალი ეკონომიკური ზრდა, 9.4 პროცენტი, 2025-2026 წლებში მოსალოდნელია ზრდის შენელება" - ევროკომისიის ანგარიში
- უცხოური ვალუტის ოფიციალური კურსი 20 მაისისთვის
- " პუტინისა და ზელენსკის შეხვედრა რუსეთისა და უკრაინის დელეგაციებს შორის გარკვეული შეთანხმებების მიღწევის შემთხვევაშია შესაძლებელი"
- "თვითონ ყველაზე მეტად სტკივა გული ქართველი ადამიანის წინააღმდეგ ძალადობაზე, თვითონ ყველაზე მეტად უყვარს ქართველი ახალგაზრდები" - ცოტნე ივანიშვილი ბიძინა ივანიშვილზე
- "ეს არის შეხსენება ყველასთვის, რომ ქართველი ხალხი მუდამ იდგება საკუთარ ღირებულებებზე, რომლებიც ჭეშმარიტად ქართული, ევროპული და ქრისტიანულია"
