კანის 5 ძირითადი პრობლემა შემოდგომაზე

შემოდგომა წელიწადის მართლაც მშვენიერი დროა; ზაფხულის გაუსაძლისი ხვატის შემდეგ, ჰაერი თბილი და სასიამოვნო ხდება, თუმცა თბილი და ოქროსფერი შემოდგომის შემობრძანებას, რამდენიმე ნაკლიც აქვს. ამ სეზონზე შეიძლება ზიანი მიადგეს თქვენს კანს, რაც დისკომფორტთან და გარკვეულ სირთულეებთან არის დაკავშირებული. გაგაცნობთ შემოდგომაზე კანის ყველაზე გავრცელებულ დაავადებებს.

სიმშრალე

როდესაც ამინდში სიცივე იპარება, ეს იწვევს კანის გამოშრობას და გაუხეშებას. თუ თქვენ ოთახში გამათბობელს ჩართავთ, ეს უფრო გაართულებს პრობლემას. შემოდგომაზე აუცილებლად გამოიყენეთ კარგი დამატენიანებელი საცხები, ის შეგიძლიათ რამდენჯერმე წაისვათ მთელი დღის განმავლობაში.

 

ეგზემა

მათ, ვისაც კანის ეს ქრონიკული დაავადება აწუხებს, კარგად იციან, რომ ის განსაკუთრებით თავს იჩენს შემოდგომაზე, როცა ჰაერი უფრო ნოტიო და თბილია. ეს დაავადება განსაკუთრებით არაესთეტიკურად გამოიყურება და ამის გამო ადამიანები დისკომფორტს განიცდიან. აუცილებელია დროული ვიზიტი დერმატოლოგთან და შესაბამისი მკურნალობის ჩატარება შემდეგი გართულებების თავიდან ასაცილებლად.

 

როზაცეა

ეს დაავადება გამწვავების პიკს შემოდგომაზე აღწევს; კონკრეტულად, თბილი და გრილი ამინდის ცვალებადობა უარყოფითად აისახება მასზე. აუცილებელია, მზისგან დამცავი საშუალებების გამოყენება და სპეციალისტთან ვიზიტი.

 

სებორეული დერმატიტი

ეს საკმაოდ გავრცელებული კანის დაავადებაა, რომელიც უმეტესად თავზე ჩნდება. მკვდარი კანის ფანტელებმა შეიძლება დაფაროს თქვენი სკალპი, სახე და წარბებიც კი და ეს, რბილად რომ ვთქვათ, ადამიანებში დისკომფორტს და უხერხულობას ქმნის. განსაკუთრებით საზოგადოებრივი თავშეყრის ადგილებში, ბევრი ადამიანი ამ დაავადებით გამოწვეულ კომპლექსს ებრძვის, თუმცა მისი მოგვარება სპეციალისტთან ვიზიტის შემდეგ მარტივად მოგვარებადია.

 

პილარული კერატოზი

პილარული კერატოზი კანის ხშირი დაავადებაა, რომელიც იწვევს უხეში, მცირე ზომის, აკნესმაგვარ გამობურცულობებსა და ლაქებს კანზე, ძირითადად მკლავებზე, ფეხებზე, დუნდულებსა და ლოყებზე. ხშირად მას „მამლის კანსაც“ უწოდებენ. მისი გამონაყარი ზოგჯერ თეთრი, ან წითელია, რამაც შეიძლება გამოიწვიოს უხერხულობა. პილარული კერატოზი არაა კანის რთული დაავადება, თუმცა თუ გაღელვებთ კანის ვიზუალური მხარე, მიმართეთ სპეციალისტს.



იზრუნეთ თქვენს კანზე ამ შემოდგომაზე. ნუ დაიზარებთ თქვენი კანის მოვლის რუტინას და გაილამაზეთ შემოდგომის თბილი და სასიამოვნო დღეები.

 

წყარო

წაკითხვა 452 ჯერ განახლდა განახლდა სექტემბერი 16 2023
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.