"ანაკლიის პორტის მშენებლობა სტრატეგიული მნიშვნელობის პროექტია, პროცესში ჩინური კომპანიის ჩართულობა კი ქვეყნის ეკონომიკისთვის შვება იქნება"
თბილისის მერი კახა კალაძე საქართველოს პრეზიდენტის, სალომე ზურაბიშვილის მიერ ანაკლიის პორტის მშენებლობის პროექტთან დაკავშირებით გაკეთებულ განცხადებას ეხმაურება.
როგორც დედაქალაქის მერმა აღნიშნა, ანაკლიის პორტის პროექტში ჩართვის სურვილი ევროპულ და ამერიკულ კომპანიებს არ გამოუთქვამთ.
„სამარცხვინოა მისი განცხადება. ზოგადად, მისი ქმედებებია სამარცხვინო ბოლო თვეების, ბოლო წლების განმავლობაში. მე თუ მკითხავთ, ეს ადამიანი საერთოდ გონზე არ არის, რა პროექტზეა საუბარი და რამდენად მნიშვნელოვანია ჩინური კომპანიის არსებობა. ეს ყველაფერი ხომ გამჭვირვალე იყო? თუ სურვილი ჰქონდათ ევროპულ და ამერიკულ კომპანიებს, მიეღოთ მონაწილეობა და მათ განეხორციელებინათ ეს პროექტი, ვინ უშლიდათ? ვინ შეზღუდა? გადაედგათ ეს ნაბიჯი და გაეკეთებინათ“, – განაცხადა კახა კალაძემ.
მისი თქმით, მშენებლობის პროცესში ჩინური კომპანიის ჩართულობა ძალიან მნიშვნელოვანია, რადგან ეს შემდეგ ქვეყნის ეკონომიკას და მის განვითარებას წაადგება.
„რაც შეეხება ჩინურ კომპანიას, რატომ არის მნიშვნელოვანი მისი არსებობა? ევროპულ ან ამერიკულ კომპანიასაც რომ გაემარჯვა, ჩინელების ჩართულობა მაინც მნიშვნელოვანი იქნებოდა, რადგან ჩინეთს 800 მილიარდამდე ღირებულების სავაჭრო ბრუნვა აქვს ევროპასთან. ტვირთების გარკვეული ნაწილი საქართველოს გავლით რომ წამოვიდეს და ჩვენი ქვეყნის პორტები გამოიყენონ, წარმოიდგინეთ, რამხელა შვება იქნება ჩვენი ეკონომიკისთვის, განვითარებისთვის, წინსვლისთვის და ა.შ. ამიტომ არის მნიშვნელოვანი ჩინური კომპანიის მონაწილეობა. ანაკლიის პორტი, რა თქმა უნდა, სტრატეგიული მნიშვნელობის პროექტია და ჩვენ ამას მხოლოდ და მხოლოდ მივესალმებით“, – აღნიშნა დედაქალაქის მერმა.
ცნობისთვის, ანაკლიის პროექტთან დაკავშირებით სალომე ზურაბიშვილმა განცხადება გაავრცელა, სადაც მან აღნიშნა: „ანაკლიაში ჩინელების შემოყვანა ამ დოზით არის დანის ჩარტყმა ჩვენს ურთიერთობებში ამერიკელი თუ ევროპელი პარტნიორებისთვის. ამიტომ ეს პროცესი არის ერთადერთი შანსი, რომ მოვახდინოთ არჩევნების მოგება“.
სიახლეები
- "ეუთოს დამკვირვებლების მოპატიჟება ნიშნავს იმას, რომ "ოცნება" ბევრად უფრო სტრატეგიულად აზროვნებს"- კახა გოგოლაშვილი
- "საქართველოს მოქალაქეებს მოვუწოდებთ, 4 ოქტომბერს რუსული რეჟიმი მშვიდობიანად დავამხოთ და ამისთვის უნდა მოვემზადოთ" - ანა წითლიძე
- "მსოფლიოს შეუძლია აიძულოს კრემლის დამნაშავეები, შეწყვიტონ მკვლელობები" - ვოლოდიმირ ზელენსკი
- "კახი, დამშვიდდი, დადინჯდი - დაელოდეთ ხალხის განაჩენს" - ლევან ხაბეიშვილი
- "კრემლი კვლავ დასცინის დიპლომატიას, არღვევს საერთაშორისო სამართალს და კლავს ადამიანებს" - ურსულა ფონ დერ ლაიენი