Edison Research - დღეს რომ არჩევნები ტარდებოდეს, გამოკითხულთა 32% ხმას „ქართულ ოცნებას“ მისცემდა, 20% -„ერთიანობა- ნაციონალურ მოძრაობას“, 11,9%-11,9% - კოალიციას „ცვლილებებისთვის“ და გახარიას პარტიას, 9,9% - „ძლიერ საქართველოს“
Edison Research-ის მიერ საზოგადოებრივი აზრის კვლევის შედეგების თანხმად, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, გამოკითხულთა 32%-მა „ქართული ოცნების“ სასარგებლოდ მისცა ხმა, 20% არჩევნებზე „ერთიანობა- ნაციონალურ მოძრაობას“ დაუჭერდა მხარს, 11,9% – კოალიციას „ცვლილებებისთვის“, 11,9 % „გახარია- საქართველოსთვის“ მხარდამჭერი იქნებოდა, ხმათა 9,9% „ძლიერმა საქართველომ“ მიიღო.
რაც შეეხება სხვა პოლიტიკურ ძალებს, სხვა პარტიების რეიტინგი ასეთია:
ლეიბორისტული პარტია - 5%
გირჩი (იაგო ხვიჩია) - 4.7%
პატრიოტთა ალიანსი/ალტ ინფო - 3.6%
ჩვენ - დავით ქაცარავა - 0.7%
სხვა პარტიები - 0.3%
საზოგადოებრივი აზრის გამოკითხვა ტელეკომპანია „ფორმულას“ დაკვეთით საერთაშორისო კვლევითმა კომპანიამ Edison Research-მა ჩაატარა.
გამოკითხვა ჩატარდა 10.09-22.09 პერიოდში მთელი საქართველოს მასშტაბით ოკუპირებული ტერიტორიების გარდა. პირისპირ კვლევის მეთოდით გამოიკითხა 1200 არჩევნებში მონაწილეობის უფლების მქონე საქართველოს მოქალაქე. ცდომილების ზღვარი +/- 2.8% საქართველოს მასშტაბით, 95%-იანი სანდოობის ზღვრისთვის.
სიახლეები
- ჟიული შარტავა - ბოლო მოლაპარაკებები (ვიდეო)
- უცხოური ვალუტის ოფიციალური კურსი 28 სექტემბრისთვის
- "სამართლიანი მშვიდობა გვჭირდება, პრობლემა იმაშია, რომ პუტინმა ამდენი ადამიანი მოკლა და ჩვენს ტერიტორიაზეა"- ზელენსკი
- „ერთიანობა - ნაციონალურმა მოძრაობამ“ საარჩევნო სია წარადგინა
- უცხოური ვალუტის ოფიციალური კურსი 27 სექტემბრისთვის