გიგი უგულავა გამოდის ინიციატივით, რომ ოპოზიციური პარტიები „ნაციონალური მოძრაობის“ ქოლგის ქვეშ გაერთიანდნენ
გიგი უგულავა გამოდის ინიციატივით, რომ „ნაციონალური მოძრაობა“ გახდეს „ქოლგა პარტია“, რომელიც კონკურენციაში მყოფ ოპოზიციურ პარტიებს გააერთიანებს. ამის შესახებ უგულავამ განცხადება „ტვ პირველის“ ეთერში გააკეთა.
მისი თქმით, „ნაციონალური მოძრაობა“ არის იდეა, რომელიც მემკვიდრეა ეროვნული მოძრაობის ხაზისა და დღევანდელობაში ებრძვის საბჭოურ გადმონაშთს – „ქართულ ოცნებას“.
„აქედან გამომდინარე, ის არის დიდი პარტია, „ქოლგა პარტია“ – ეს არის ტერმინი, რომელიც მაგალითად, ამერიკაში გამოიყენება, სადაც არსებობს ბევრი ფრაქცია, რომლებიც ერთმანეთთან კონკურენციაშია და ეს კონკურენცია არის საჯარო, ღია. ეს რეფორმა „ნაციონალურ მოძრაობას“ კიდევ უფრო მეტ ამომრჩეველს და მეტ პოლიტიკურად აქტიურ ადამიანს მოუტანს, ისეთებს, რომლებსაც მართლაც სურთ, საბჭოთა კავშირი დატოვონ წარსულში“, – აცხადებს გიგი უგულავა.
მისივე თქმით, მხოლოდ „ნაციონალური მოძრაობის“ ბრძოლა არ არის საკმარისი.
„არსებობენ პარტიები, როგორიც არის მაგალითად იგივე „ლელო“, გახარიას პარტია და სხვა პარტიები. ახლა არის დრო, როდესაც პოლიტიკური ლიდერები და პარტიები ერთმანეთთან საერთო გზებს უნდა ნახულობდნენ და იმისთვის, რომ უფრო დიდი კოალიცია შექმნან. „ლელო“, გახარია, იგივე მარგველაშვილი, კვირიკაშვილი, ალასანია, აქეთ დათო ბაქრაძე და ვიღაცები – წარმოიდგინეთ ასეთი ტიპის ერთობა, რომელსაც აქვს ძალიან დიდი პოლიტიკური გამოცდილება, აქვს ფინანსური რესურსები.
„ნაციონალური მოძრობა“ უნდა გახდეს „ქოლგა პარტია“, სადაც ბევრი პოლიტიკოსი თუ პოლიტიკური ჯგუფი ამ ხომალდზე შევა, ოღონდ იბრძოლებს თავისი დღის წესრიგისთვის, ოღონდ თავისი იდენტობის შენარჩუნების შესაძლებლობა არ ექნება. ეს არის გასაკეთებელი და მე რასაც ვუყურებ, ნიკა მელია ამას ახორციელებს. კიდევ უფრო მეტად არის ეს გასაკეთებელი. პოლიტიკური მდგენელი უნდა გაჩნდეს. აქეთ არის დისკუსია წამოსაწყები ამ გამსხვილებასთან დაკავშირებით“, – განაცხადა გიგი უგულავამ.
სიახლეები
- "აუცილებელია, გამოვტაცოთ ხელიდან საარჩევნო კომისია და არავითარ შემთხვევაში, არანაირი სახეცვლილი ფორმით არ დავუშვათ „რუსული კანონის“ მიღება, რომელიც ფაქტობრივად არჩევნებსაც აუქმებს"
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"