"ნაციონალური მოძრაობა“, როგორც პარტია დიდი ხანია არ არსებობს, ეს არის შეთქმულთა ბანაკი"

„ნაციონალური მოძრაობა“, როგორც პარტია დიდი ხანია არ არსებობს, ეს არის შეთქმულთა ბანაკი, რომელიც გეგმავს და ცდილობს განავითაროს ის რევოლუციური სცენარი, რომელიც კარგა ხნის წინ დაიწერა სააკაშვილის მიერ, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ ჟურნალისტებს განუცხადა.

„ეს არის დეგრადაცია ადამიანებისა, რომლებიც ერთმანეთს ეჯიბრებიან, ვინ უფრო ხმამაღალ განცხადებას გააკეთებს იმასთან დაკავშირებით, ვის გააჩნია მეტი რესურსი ქვეყანაში დესტაბილიზაცია მოაწყოს“, - განაცხადა გიორგი ვოლსკიმ.

 

გაიყოფა თუ არა „ნაციონალური მოძრაობა“ ახალი თავმჯდომარის არჩევნების შემდეგ - ეს მთავარი კითხვაა, რომელსაც ახლა პარტიაში მიმდინარე პროცესები აჩენს. ამ ფონზე კი, „ნაციონალური მოძრაობა“ შიდა არჩევნებისთვის ემზადება. გადამწყვეტ ფაზაში შედის მერაბიშვილი-კეზერაშვილისა და ახალაია-მელიას კლანების დაპირისპირება. კანდიდატები ერთმანეთის პარალელურად საკუთარ მხარდამჭერებს ხვდებიან. რაც შეეხება პარტიის დაშლას, ამბობენ, რომ თავმჯდომარის არჩევის შემდეგ, ისინი შეძლებენ ერთმანეთს გამარჯვება მიულოცონ და პარტიაში მუშაობა გააგრძელონ. მმართველი პარტია კი ერთიანი „ნაციონალური მოძრაობის“ ერთობის დაშლას სწორედ შიდა არჩევნების ჩატარების შემდეგ პროგნოზირებს.

წაკითხვა 101 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.