"გვაქვს ინფორმაცია, რომ არასაპარლამენტო ოპოზიციის წარმომადგენლებისა და ყოფილი ხელისუფლების მაღალჩინოსნის მიერ იგეგმება პროვოკაცია ცხინვალისა და აფხაზეთის მიმართულებით"
ჩვენამდე მოვიდა ინფორმაცია, რომ რადიკალური არასაპარლამენტო ოპოზიციის წარმომადგენლებისა და ყოფილი ხელისუფლების ერთ-ერთი მაღალჩინოსნის მხრიდან იგეგმება უმძიმესი პროვოკაცია ცხინვალისა და აფხაზეთის მიმართულებით, – ამის შესახებ მოძრაობა „ხალხის ძალის“ ერთ-ერთმა წარმომადგენელმა, მიხეილ ყაველაშვილმა ჟურნალისტებს განუცხადა.
ყაველაშვილის თქმით, მათ მიზნად აქვთ, პროვოკაციის შედეგად საქართველოში დესტაბილიზაცია გამოიწვიონ.
„მინდა, გავაფრთხილო ეს ადამიანები, მავნებლები – იმ შემთხვევაში, თუ ისინი არ იტყვიან უარს ამ მავნებლურ ქმედებაზე, ვიტყვით მათ სახელებსა და გვარებს. მათ მიზნად აქვთ, რომ ამ პროვოკაციის შედეგად საქართველოში მოხდეს დესტაბილიზაცია, არიონ სიტუაცია და ის გეგმა, რომელიც აქამდე არსებობდა, ასე განახორციელონ. კიდევ ერთხელ ვაფრთხილებ ამ ადამიანებს, დასახელდება მათი გვარები და იქნება უმკაცრესი რეაგირება. ესენი რადიკალური ოპოზიციის წარმომადგენლები არიან. ერთ-ერთი არის ყოფილი მაღალჩინოსანი. ჩემს განცხადებას აქვს პრევენციული ხასიათი. ყოველ შემთხვევაში, მათ ძალიან კარგად იციან, რაზე ვსაუბრობ. მათი მხრიდან თუ არ აღიკვეთება მსგავსი ქმედება, აუცილებლად მოხდება რეაგირება და იქნებიან დაშლილი. იგულისხმება, როგორც ყოველთვის, პროვოკაციების მოწყობა ცხინვალისა და აფხაზეთის მიმართულებით, რათა გამოიწვიონ ქვეყანაში დესტაბილიზაცია“, – აღნიშნა მიხეილ ყაველაშვილმა.
სიახლეები
- ხვალ, საქართველოს ჩემპიონი „ქუთაისი 2010“ საკალათბურთო ჩემპიონთა ლიგის პირველ საკვალიფიკაციო ეტაპის შეხვედრას ბულგარეთში გამართავს
- “მადლობა ყველა იმ თბილისელს, ვინც მანდო ამ ქალაქის ბედი; არ დავიღლები იმაზე საუბრით, თუ რამხელა პატივია ჩემთვის, ვემსახურო თბილისს და თბილისელებს” – კახა კალაძე
- მართლმადიდებელი ეკლესია დღეს ღვთისმშობლობას აღნიშნავს
- როგორი ამინდია დღეს მოსალოდნელი საქართველოში
- საქართველოს პრეზიდენტი ამერიკის შეერთებულ შტატებში გაემგზავრა – მიხეილ ყაველაშვილი გაეროს გენერალური ასამბლეის მე-80 სესიაზე სიტყვით გამოვა
