"აფხაზეთის ომში დაღუპული 11 გმირის ნეშტი დავუბრუნეთ მათ ოჯახებს, კიდევ ერთხელ მინდა სამძიმარი ვუთხრა დაღუპულების ოჯახის წევრებს"
აფხაზეთის ომში დაღუპული 11 ჩვენი გმირის ნეშტი დავუბრუნეთ მათ ოჯახებს, კიდევ ერთხელ მინდა ჩემი სამძიმარი ვუთხრა დაღუპულების ოჯახის წევრებს-ამის შესახებ საქართველოს პრემიერ-მინისტრმა ირაკლი ღარიბაშვილმა სამების საკათედრო ტაძარში ჟურნალისტებთან საუბრისას განაცხადა, სადაც მთავრობის წევრებთან ერთად, ოკუპირებული აფხაზეთის ტერიტორიიდან გადმოსვენებული თერთმეტი პირის სამოქალაქო პანაშვიდს დაესწრო.
პრემიერ-მინისტრმა წითელ ჯვარს და ნეშტების გადმოსვენების პროცესში ჩართულ ყველა პირს მადლობა გადაუხადა.
„პირველ რიგში მე მინდა ვთქვა, რომ უკვე წლებია ჩვენ წითელ ჯვართან ერთად ვახორციელებთ ჩვენი გმირების გადმოსვენებას საქართველოში, ჩვენს მიერ კონტროლირებად ტერიტორიაზე. მოგეხსენებათ, რომ მანამ, სანამ ჩვენ აღვადგენთ კონტროლს აფხაზეთში და ცხინვალში, მანამდე ჩვენ გვჭირდება ჩვენი პარტნიორების ჩართულობა. წითელ ჯვარს ამ კუთხით აქვს ძალიან, მე ვიტყოდი ფასდაუდებელი როლი და მინდა მადლობა გადავუხადო ყველას, ვინც ჩართული იყო ამ პროცესში. ჩვენ 11 ჩვენი გმირის ნეშტი დავუბრუნეთ მათ ოჯახებს, მათ ოჯახის წევრებს და კიდევ ერთხელ მინდა ჩემი სამძიმარი ვუთხრა მათ",- აღნიშნა პრემიერ-მინისტრმა.
სიახლეები
- "საქართველოში 2024 წელს დაფიქსირდა მაღალი ეკონომიკური ზრდა, 9.4 პროცენტი, 2025-2026 წლებში მოსალოდნელია ზრდის შენელება" - ევროკომისიის ანგარიში
- უცხოური ვალუტის ოფიციალური კურსი 20 მაისისთვის
- " პუტინისა და ზელენსკის შეხვედრა რუსეთისა და უკრაინის დელეგაციებს შორის გარკვეული შეთანხმებების მიღწევის შემთხვევაშია შესაძლებელი"
- "თვითონ ყველაზე მეტად სტკივა გული ქართველი ადამიანის წინააღმდეგ ძალადობაზე, თვითონ ყველაზე მეტად უყვარს ქართველი ახალგაზრდები" - ცოტნე ივანიშვილი ბიძინა ივანიშვილზე
- "ეს არის შეხსენება ყველასთვის, რომ ქართველი ხალხი მუდამ იდგება საკუთარ ღირებულებებზე, რომლებიც ჭეშმარიტად ქართული, ევროპული და ქრისტიანულია"
