როგორც არჩილ თალაკვაძემ აღნიშნა, ამ ყველაფრის უკან დგას სააკაშვილის პოლიტიკური გუნდის ინტერესი, რომ მისი პატიმრობა და ჯანმრთელობასთან დაკავშირებული საკითხები გამოიყენონ როგორმე დესტაბილიზაციისთვის, ისევ იმისთვის, რომ დაძაბონ საზოგადოება და შეიტანონ დისონანსი იმ პროცესში, რასაც ჰქვია საქართველოს ევროპული ინტეგრაცია.

„რეალობა გახლავთ ის, რომ სახელმწიფომ გამოხატა სრული მზადყოფნა მიაწოდოს პატიმრობაში მყოფ მიხეილ სააკაშვილს სრული სრულფასოვანი სამედიცინო მომსახურება. გამოხატა მზადყოფნა, რომ მოიწვიოს ნებისმიერი პროფილის ექიმი, ვისაც ჩათვლის საჭიროდ მისი ოჯახი და დაცვის მხარე მისი ჯანმრთელობის ინტერესები, თუმცა ამაზე ჯერ პასუხი არ მიგვიღია, რაც ადასტურებს იმას, რომ სინამდვილეში ამ ადამიანებს და სააკაშვილის გარემოცვას არა მისი ჯანმრთელობის საკითხები, არამედ სხვა ინტერესები აქვთ. ეს არის პირდაპირ პოლიტიკური მოტივაცია და ეს არის მართლმსაჯულებიდან თავის დაღწევის სურვილი კანონის გვერდის ავლით“, – განაცხადა თალაკვაძემ.