"სააკაშვილი მომავალ დაბადების დღეს არ უნდა იყოს არც აქ, არც ციხეში, ეს არ დაუმსახურებია"
მიხეილ სააკაშვილის დედა გიული ალასანია აცხადებს, რომ სააკაშვილის მოწამვლის საკითხთან დაკავშირებით პენიტენციური სამსახურის სამედიცინო დეპარტამენტის ხელმძღვანელის, მალხაზ ურთქმელიძის განმარტება მისთვის მისაღები არ არის.
ალასანიას თქმით, მისთვის არგუმენტია კალიფორნიის ლაბორატორიის დასკვნა.
„ეს განმარტება ჩემთვის მისაღები არ არის. ჩვენ გვაქვს კალიფორნიის ლაბორატორიის დასკვნა და ის არის ჩემთვის არგუმენტი და დასკვნა. ეს დასკვნა სწორი არ არის, ვერაფერს დაამტკიცებს. თავისი არგუმენტები კალიფორნიის ტოქსიკოლოგებს მიუტანოს“, – განაცხადა გიული ალასანიამ.
გიული ალასანიას განცხადებით, იზიარებს ადვოკატის, შალვა ხაჭაპურიძის პოზიციას, რომ მზად არიან, სააკაშვილს ჩაუტარდეს ანალიზები, თუ სახელმწიფო უცხოელ ავტორიტეტულ საექსპერტო ბიუროს მოიწვევს.
„იგივე პოზიცია მაქვს, რაც შალვამ ბრძანა. აქ ექსპერტიზის ჩატარება? ვერ სინჯავენ და თუ გინდა, 15-ჯერ ჩაუტარონ“, – განაცხადა გიული ალასანიამ.
ამასთან, როგორც გიული ალასანიამ ჟურნალისტებთან საუბრისას აღნიშნა, მომავალ დაბადების დღეს სააკაშვილი ციხეში არ უნდა შეხვდეს. მისივე თქმით, მას ეს არ დაუმსახურებია.
„მომავალ დაბადების დღეს აქ არ უნდა იყოს, არც ციხეში უნდა იყოს, მას ეს არ დაუმსახურებია. ამ ადამიანმა საქართველოსგან, უკრაინისგან ყოფილი სისტემის დანგრევისთვის მხოლოდ მადლობა დაიმსახურა“, – აღნიშნა გიული ალასანიამ.
სიახლეები
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე
- „კაია კალასის ნათქვამი მიგვანიშნებს, რომ ამ ადამიანებს არასწორი წარმოდგენა აქვთ თავისუფლებაზე"- ნინო წილოსანი
- მართლმადიდებელი ეკლესია დღეს ბარბარობის დღესასწაულს აღნიშნავს
- სამართალდამცველებმა განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანის ფაქტი აღკვეთეს
- საქართველოდან გააძევეს უცხო ქვეყნის 43 მოქალაქე
