მისივე თქმით, აჭარის ავტონომიური რესპუბლიკის თავმჯდომარემ „საძაგელი შეცდომა“ დაუშვა და ამის გამო ბოდიში უნდა მოეხადა.

„აბსოლუტურად გეთანხმებით, რომ ჯარს ყველასგან პატივისცემა სჭირდება. არ აქვს მნიშვნელობა სად ხარ - მთავრობაში თუ ოპოზიციაში. ყველა ძალიან მოწიწებით უნდა ვლაპარაკობდეთ ჩვენს საამაყო ხალხზე - ჯარისკაცებზე, სერჟანტებზე, ოფიცრებზე, მაგრამ ბატონი რიჟვაძე, რომ გამოვიდა ამასწინ და თქვა, რომ 2008-ში ლაჩრულად წავაგეთ ომიო და ერთ ქვაბში ჩაყარა ყველა, ვინ იქ ილაჩრა და ვინც არ ილაჩრა, ვინც ძალიან იმამაცა, ივაჟკაცა, თავი გასწირა საქართველოსთვის, ყველას რომ შეურაცხყოფა მიაყენა, ვინც იქ იბრძოდა, ვინც დაიღუპა, ერთი საჯარო შენიშვნა რატომ არ უთხარით? რახან თქვენიანია ამიტომ შეუძლია შეურაცხყოფა მიაყენოს და დანარჩენ ოპოზიციას თუ სხვას არ შეუძლია? ან თვითონ როგორ არ განმარტა ადამიანურად და ერთი ბოდიში როგორც ვერ ამოღერღა? შეცდომა ყველას მოგვდის, საძაგელი შეცდომებიც მოგვდის ხანდახან და ეს იყო სწორედ საძაგელი შეცდომა. რატომ არ თქვა ერთი ბოდიში ჯარისკაცების მიმართ?“ - განაცხადა ელისაშვილმა.