"სერგეენკოსთან გვექნება მეგობრული კონსულტაციები და შემდეგ მივიღებთ გადაწყვეტილებას" - კობახიძე
სესიებზე გაცდენების ნახევარზე მეტი დაგროვდა და ამის გამო განიხილება საპროცედურო კომიტეტზე დავით სერგეენკოს სადეპუტატო უფლებამოსილების შეწყვეტის საკითხი, თუმცა გადაწყვეტილება ჯერ არ არის მიღებული, – ამის შესახებ ჟურნალისტებს „ქართული ოცნების“ თავმჯდომარემ, ირაკლი კობახიძემ განუცხადა.
მისი თქმით, დავით სერგეენკოსთან ექნებათ მეგობრული კონსულტაციები და ამის შემდეგ იქნება გადაწყვეტილება მიღებული.
„უბრალოდ, როგორც ვიცი, გაცდენების ნახევარზე მეტი დაგროვდა და ამის გამო განიხილება საპროცედურო კომიტეტზე ეს საკითხი, თუმცა გადაწყვეტილება ჯერ არ არის მიღებული. ჩვენ გვექნება კონსულტაციები ბატონ დავითთან და ამის საფუძველზე მივიღებთ საბოლოო გადაწყვეტილებას.
არაფერს არ ვუკავშირებ, ბატონი დავითი არის ჩვენი მეგობარი, გვექნება მეგობრული კონსულტაციები და ამის საფუძველზე მივიღებთ გადაწყვეტილებას იმასთან დაკავშირებით, თუ რამდენად სურს ბატონ დავითს პარლამენტში მუშაობის გაგრძელება. კონსულტაციები გვიჩვენებს ყველაფერს“, – განაცხადა ირაკლი კობახიძემ.
საპროცედურო საკითხთა კომიტეტი დავით სერგეენკოს დეპუტატის უფლებამოსილების ვადამდე შეწყვეტის საკითხზე 14 ივლისს იმსჯელებს.
სიახლეები
- დიდმა ბრიტანეთმა რუსეთის „ჩრდილოვანი ფლოტის“ 30 ნავთობტანკერს სანქციები დაუწესა
- "თუ პუტინის რუსეთი უკრაინაში გაიმარჯვებს, ის იმპერიულ პოლიტიკას სხვა მეზობლების წინააღმდეგ გააგრძელებს" - ჯოზეფ ბორელი
- "ევროპის რამდენიმე ქვეყანა უკრაინაში ჯარის გაგზავნის შესაძლებლობას განიხილავს" - „ლე მონდი“
- "საჭიროა ახალი თაობა, ახალი პოლიტიკური ძალები გამოჩნდნენ ამ ქვეყანაში იმიტომ, რომ ძალიან მალე დადგება დრო ახალი არჩევნების"
- უცხოური ვალუტის ოფიციალური კურსი 26 ნოემბრისთვის
