მისივე თქმით, ოპოზიცია ერთმანეთს თუ არ ენდობა, ეს მათი პრობლემაა.

„პრეზიდენტის იმპიჩმენტისთვის განსაზღვრულია ვადები, რომელსაც ვერავინ გადავა. თუ არ ვცდები, სამ კვირამდეა დარჩენილი და, საბოლოო ჯამში, პარლამენტმა გადაწყვეტილება უნდა მიიღოს. რეგლამენტში ცვლილებები დაჩქარებული წესით არ შედის. ფარულ კენჭისყრას იმდენი სპეკულაცია მოჰყვა, რომ მზად ვართ, კენჭისყრა გამჭვირვალე იყოს ნებისმიერ საკითხზე. იმპიჩმენტს მხარს ვუჭერთ, მაგრამ არანაირი იმედი არ გვაქვს საპარლამენტო ოპოზიციის, რომელიც ამბობს, რომ მხარს არ უჭერს. თუ თავად ოპოზიცია ერთმანეთს არ ენდობა, ეს მათი პრობლემაა. რა თქმა უნდა, უმრავლესობაში ერთმანეთის მიმართ ნდობა გვაქვს. სალომე სამადაშვილს არაერთხელ ვურჩიე, თავი დაანებოს ბოროტი სიზმრების ახსნას. სჯობს, პარლამენტში მოვიდეს, გახალისდეს და კანონშემოქმედებით პროცესს დიდი დრო დაუთმოს“, – განაცხადა გურამ მაჭარაშვილმა.

პარლამენტის მიერ თანამდებობის პირების თანამდებობაზე არჩევისა და გათავისუფლების თაობაზე გადაწყვეტილების მიღება, ფარული კენჭისყრის ნაცვლად, ღია კენჭისყრით მოხდება.