სხვათა შორის, ტექსტიდან ამოიღეს „სამოქალაქო პირებზე ისრაელის არმიის განურჩეველი თავდასხმის" შესახებ წინადადება.

რეზოლუციის პროექტი ისრაელისგან მოითხოვს, შესაძლებელი გახადოს ღაზის სექტორში ჰუმანიტარული დახმარების შეუფერხებლად შეტანა.

ამასთან, უნდა შეიქმნას ძალის გამოყენების შეწყვეტის მდგრადი წინაპირობები, ჰუმანიტარული ტვირთების შეტანა გაეროს მიერ დანიშნულმა ახალმა კოორდინატორმა უნდა გააკონტროლოს. რეზოლუციის პროექტზე კენჭისყრა რამდენჯერმე გადაიდო აშშ-ის მხრიდან მოსალოდნელი ვეტოს გამო. გაეროში აშშ-ის წარმომადგენლობის თანახმად, აშშ ბოლო ვერსიას მიიღებს.

7 ოქტომბერს ისრაელზე ჰამასის თავდასხმას 1200-ზე მეტი ისრაელელი ემსხვერპლა, მათი დიდი უმრავლესობა მშვიდობიანი მოქალაქე იყო. მძევლად აიყვანეს 240 ადამიანი.

ჰამასის მიერ მართული ღაზის ჯანდაცვის სამინისტროს მონაცემებით, ისრაელის მხრიდან წარმოებულ საპასუხო ომს ღაზის სექტორში ემსხვერპლა 20 ათასამდე ადამიანი, ძირითადად ქალები და ბავშვები.