"რა თქმა უნდა, როგორც ირაკლი კობახიძეს, ისე ირაკლი ღარიბაშვილს აქვს სრული მხარდაჭერა და გუნდი ერთიანია "- კახა კალაძე
რა თქმა უნდა, როგორც ირაკლი კობახიძეს, ისე ირაკლი ღარიბაშვილს, აქვს სრული მხარდაჭერა და გუნდი ერთიანია, - ამის შესახებ თბილისის მერმა,კახა კალაძემ ჟურნალისტებს განუცხადა.
მისივე განცხადებით, „კოლექტიური „ნაცებისთვის“ სამწუხარო ინფორმაციაა ის გადაწყვეტილებები, რაც მიღებულია“.
„რა თქმა უნდა, როგორცი,ირაკლი კობახიძეს, ისე ირაკლი ღარიბაშვილს, აქვს სრული მხარდაჭერა და გუნდი ერთიანია. ეს თქვენთვის, კოლექტიური „ნაცებისთვის“, სამწუხარო ინფორმაციაა, ის გადაწყვეტილებები რაც მიღებულია. 2024 წელი საპარლამენტო არჩევნების წელია და ჩვენ ერთიანი ძალისხმევით, ქართველი ხალხის მხარდაჭერით გავიმარჯვებთ“, - განაცხადა თბილისის მერმა.
რაც შეეხება ჟურნალისტის კითხვას, არსებობს თუ არა მიზეზი, რის გამოც ყოფილი პრემიერ-მინისტრი ირაკლი ღარიბაშვილი პარტიის თავმჯდომარე უნდა გამხდარიყო, კალაძემ აღნიშნა, რომ „ცვლილებები ყოველთვის ხდებოდა გუნდში და მომავალშიც მოხდება“.
„კიდევ ერთხელ ვიმეორებ, არანაირი მნიშვნელობა არ აქვს, ვინ, სად რომელ თანამდებობაზეა. სადაც არ უნდა ვიყოთ, ეს შეიძლება იყოს პოლიტიკა, ბიზნესი, იყო რიგითი მოქალაქე, ყოველთვის უნდა ვემსახუროთ ჩვენს სამშობლოს, ჩვენს ხალხს და არა რომელიმე ქვეყნის ინტერესს ვატარებდეთ”, - განაცხადა თბილისის მერმა.
გარდა ამისა,კახა კალაძემ, ჟურნალისტის შესაბამისი კითხვის საპასუხოდ ინფორმაცია, რომლის მიხედვითაც მერის მოადგილეები სავარაუდო კორუფციის გამო სუს-ში უნდა დაიბარონ, უარყო.
“არ დაიღალეთ ამდენი სისულელით? პირველი შემთხვევა არ არის, როდესაც ასეთ ტყუილებს და სისულელეებს ავრცელებთ”,-განაცხადა კახა კალაძემ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე