"უვიზო რეჟიმი რუსეთთან ჩვენ არ დაგვიწესებია, თქვენმა ყოფილმა ლიდერმა დააწესა "- ვახტანგ გომელაური
უვიზო რეჟიმი [რუსეთთან] ჩვენ არ დაგვიწესებია, თქვენმა ყოფილმა ლიდერმა დააწესა და დღემდე ასე მოდის, - ასე უპასუხა შს მინისტრობის კანდიდატმა ვახტანგ გომელაურმა „ლელოს“ წევრ ანა ნაცვლიშვილს პარლამენტში, გაერთიანებული კომიტეტების სხდომაზე.
რაც შეეხება დეპუტატის კიდევ ერთ შეკითხვას, თუ რატომ არ ჯარიმდება საქართველოში მოძრავი რუსული სანომრე ნიშნების მქონე ავტომობილები, მინისტრობის კანდიდატი პასუხობს, რომ არამხოლოდ რუსული, არამედ ყველა ქვეყნის ავტომობილი ჯარიმდება კანონდარღვევის შემთხვევაში.
„საზღვარი მაქსიმალურად კონტროლდებოდა. უვიზოსთან დაკავშირებით განცხადება ჩვენ გუნდს არაერთხელ გაუკეთებია, უვიზო რეჟიმი ჩვენ არ დაგვიწესებია, თქვენმა ყოფილმა ლიდერმა დააწესა და დღემდე ასე მოდის. რუსული მანქანები არ ჯარიმდებაო. ყველა მანქანა ჯარიმდება, არამარტო რუსული, ჩვენი მეზობელი ქვეყნების, თუ არამეზობელი, ევროპული - ყველა [ჯარიმდება]. აქამდე არ ჯარიმდებოდა, მართლა ასე იყო. პროგრამა ვერ კითხულობდა, რაც უკრაინის ომი დაიწყო, მას შემდეგ პროგრამა დაიწერა და ახლა ჯარიმდება, მითუმეტეს, მივიღეთ კანონი, რომ როდესაც მანქანა გავა, ვეღარ შემოვა, თუ ჯარიმა არ გადაიხადა ანუ ჩვენ იძულებითი უფლება არ გვაქვს, რომ საზღვარზე დავაკავოთ ადამიანი თუ გადის და ვთქვათ, 50-100 ლარიანი ჯარიმა როცა აქვს.
თუმცა, როდესაც უკან შემოდის, უფლება გვაქვს, აღარ შემოვუშვათ. შესაბამისად, იძულებულია ის ადამიანი, რომ გადაიხადოს. აქამდე საერთოდ არ ჯარიმდებოდნენ“, - განაცხადა გომელაურმა.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი