შალვა პაპუაშვილის თქმით, საქართველოში ევროკავშირის დაფინანსება გაუმჭვირვალეა
საქართველოს პარლამენტის თავმჯდომარე შალვა პაპუაშვილი ამბობს, რომ ქვეყანაში დაფინანსება ევროკავშირიდან გაუმჭვირვალედ შემოდის. ამის შესახებ მან ჟურნალისტებს „აგენტების კანონის“ მნიშვნელობაზე ლაპარაკისას უთხრა - ამ კანონის მიღებას საქართველოს პარტნიორები ევროინტეგრაციის ხელშემშლელ გარემოებად ასახელებენ.
„ეს შეიძლება არ შედიოდეს სხვების ინტერესებში, განსაკუთრებით მათ ინტერესებში, ვისი ფინანსებიც საქართველოში შემოდის გაუმჭვირვალედ. სამწუხაროდ, ევროკავშირის დაფინანსებაც საქართველოში არის გაუმჭვირვალე“, - უთხრა პაპუაშვილმა ჟურნალისტებს და აღნიშნა, რომ ევროკავშირის ფულით „საქართველოში რადიკალური ჯგუფები და პოლიტიკური პარტიები ფარულად ფინანსდება“.
მმართველი პარტიის წარმომადგენლები საზოგადოებას არწმუნებენ, რომ „აგენტების კანონის“ მიღების მიზანი გამჭვირვალობაა, არასამთავრობო ორგანიზაციები კი აცხადებენ, რომ ეს არის კანონპროექტი, რომელიც რუსული მეთოდებით ცდილობს გააჩუმოს ის ორგანიზაციები, რომლებიც ხელისუფლებას აკრიტიკებენ.
13 თვის შემდეგ, 2024 წლის 3 აპრილს, მმართველმა პარტია „ქართულმა ოცნებამ“ ხელმეორედ დააინიციირა „აგენტების შესახებ“ კანონი, რომელსაც გასულ წელს ხალხმრავალი პროტესტი მოჰყვა. კანონპროექტის საწინააღმდეგო განცხადებები გაავრცელეს არა მხოლოდ არასამთავრობო და მედიაორგანიზაციებმა, არამედ კულტურისა და სპორტის წარმომადგენლებმაც, მათ შორის საქართველოს საფეხბურთო ნაკრების ფეხბურთელებმაც.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი