მდინარაძის განმარტებით, არატრადიციული ცხოვრების წესის პროპაგანდის გამორიცხვა არის ეროვნული ინტერესი.

„აშკარაა, რომ საზოგადოებრივი კონსენსუსი ამ თემაზე არსებობს. არსებობენ გამონაკლისები, მაგრამ ჩვენი ქვეყნის მოსახლეობის პრაქტიკულად აბსოლუტურ უმრავლესობას უნდა კანონი, კონსტიტუციაში ცვლილებები, რომელიც ერთი მხრივ, დაიცავს (პრაქტიკაში, აღსრულებაში ეს ისედაც ასეა, ანტიდისკრიმინაციული კანონი გვაქვს) ადამიანის ნებისმიერ უფლებას, ნებისმიერი განსხვავების, ნებისმიერი არატრადიციული ცხოვრების წესის მიუხედავად, დაიცავს თითოეული მოქალაქის უფლებებს, მაგრამ მეორე მხრივ, დაიცავს ჩვენს მომავალ თაობებს, საზოგადოებას პროპაგანდისგან, ფსევდოლიბერალური იდეოლოგიისგან და ამის გამორიცხვა არის ეროვნული ინტერესი.

ეროვნული იდენტობის, ჩვენი ტრადიციების ნაწილია, რომ ვართ ტოლერანტები, რა თქმა უნდა, ყველას უფლებას ვიცავთ და ვაღიარებთ, ნებისმიერი განსხვავების მიუხედავად, მაგრამ მეორე მხრივ, ფსევდოლიბერალური იდეოლოგიის ის წანაზარდი, რასაც ჰქვია არატრადიციული ცხოვრების წესის პროპაგანდა, უნდა გამოვრიცხოთ. ეს ვინმეს ან რამეს წინააღმდეგ ბრძოლა კი არ არის, ეს არის ჩვენი მომავალი თაობების უფლებების დაცვა, ასეც ჰქვია ამ კანონს, შემოკლებით რომ ვთქვათ, კანონს ჰქვია ოჯახური ღირებულებების კანონი“, – განაცხადა მამუკა მდინარაძემ.