"მდინარაძეს ვკითხე, ორგზის პრემიერ-მინისტრი" ამბობს, რომ პენსიონერი მამა აფინანსებს და რომელ გამჭვირვალობაზე საუბრობთ-მეთქი, - ღარიბაშვილის ხსენების გამო დამატოვებინეს დარბაზი, მაგრამ მაინც ვახსენე" -თაკო ჩარკვიანი
[მდინარაძეს] ვკითხე, თქვენი პარტიის პირველი პირი, ორგზის პრემიერ-მინისტრი ამბობს, რომ მამა აფინანსებს პენსიონერი და რომელ გამჭვირვალობაზე საუბრობთ-მეთქი, - ღარიბაშვილის ხსენების გამო [დამატოვებინეს], მაგრამ მაინც ვახსენე,- ამის შესახებ იურიდიულ საკითხთა კომიტეტიდან გაძევებულმა ოპოზიციონერმა დეპუტატმა თაკო ჩარკვიანმა ჟურნალისტებთან განაცხადა.
მისი თქმით, ამ ვითარებაში, როდესაც საქართველოს ტერიტორიები ოკუპირებულია, მტერი რუსეთია და საქართველოს აღნიშნული ხელისუფლება ჰყავს, არ შეიძლება ამ კანონის მიღება.
„ვისმენთ მშვიდად, ხმას არ აღებინებენ არავის და შეუძლებელია ამის მოთმენა, ბოლოს, ერთი საათი რომ ილაპარაკა მდინარაძემ უტიფრად როგორი პატიოსნება და გამჭვირვალობა სუფევს, ვკითხე, თქვენი პარტიის პირველი პირი, ორგზის პრემიერ-მინისტრი ამბობს, რომ მამა აფინანსებს, პენსიონერი და რომელ გამჭვირვალობაზე საუბრობთ-მეთქი. ამ ვითარებაში, როდესაც ჩვენ ოკუპირებული ვართ, როცა მტერი რუსეთი გვყავს, როცა ასეთი ხელისუფლება არის, ამათგან შეუძლებელია ამ ტიპის კანონის მიღება, თორემ უცხოეთში, დასავლეთში, სადაც რეფორმირებული სასამართლო, პროკურატურა და მართლა გამჭვირვალეა სისტემა, იქ ყველაფერი გამჭვირვალეა, მათ შორის, არასამთავრობოები. რა თქმა უნდა, ღარიბაშვილის ხსენების გამო [დამატოვებინეს], მაგრამ მაინც ვახსენე. მოღალატეს ნუ გვეძახითო და მე არა-მეთქი, 100 ათასი კაცი ერთად გეძახით გარეთ მოღალატეს-მეთქი“- განაცხადა ჩარკვიანმა, რომელსაც იურიდიული კომიტეტის თავმჯდომარე ანრი ოხანაშვილმა, კომიტეტის სხდომათა დარბაზი დაატოვებინა.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი