" მივმართავ პრეზიდენტს, ახალი კონსტიტუციის ტექსტზე სამუშაოდ გარემო შექმნას და ეცადოს, რომ პარტიები შეითანხმოს, როგორ შეიძლება მოხდეს ხელისუფლების ერთპიროვნული "- იაგო ხვიჩია
მივმართავ პრეზიდენტს, რომ ახალი კონსტიტუციის ტექსტზე სამუშაოდ გარემო შექმნას და ეცადოს, რომ პარტიები შეითანხმოს, როგორ შეიძლება მოხდეს ხელისუფლების ერთპიროვნული მმართველობის ჩანაცვლება, რომ ეს პრობლემა აღარ დადგეს, - ამის შესახებ პარტია “გირჩის” წევრმა, იაგო ხვიჩიამ საქართველოს პრეზიდენტის, სალომე ზურაბიშვილის ახალ ინიციატივაზე საუბრისას განაცხადა.
ხვიჩიას თქმით, რეფერენდუმის ჩატარება არარეალისტურია გამომდინარე იქიდან, რომ ამაში “ქართული ოცნების” თანხმობაა საჭირო.
როგორც ხვიჩიამ აღნიშნა, პრეზიდენტს შეიძლება ჰქონდეს იმისი ინტერესი, აჩვენოს, რომ “ქართული ოცნება” თანახმა არ არის ასეთ რეფერენდუმზე.
“მე არარეალისტური მგონია ეს, გამომდინარე იქიდან, რომ ამაში “ქართული ოცნების” თანხმობაა საჭირო. პრემიერის თანახელმოწერას საჭიროებს და ამ საკითხზე “ქართული ოცნების” მიერ რეფერენდუმის ჩატარების ნაკლებად მჯერა.
პრეზიდენტს შეიძლება ჰქონდეს იმისი ინტერესი, აჩვენოს, რომ „ქართული ოცნება” თანახმა არ არის ასეთ რეფერენდუმზე, მაგრამ რეალისტურობა ძალიან საეჭვოა, რადგან არ მგონია, რომ “ქართული ოცნება” ამ რეფერენდუმს ჩაატარებს.
ჩემი აზრით, ჩვენ ახალი კონსტიტუციის შექმნაზე უნდა დავიწყოთ მუშაობა. კონსტიტუციაში ეს მართლაც წერია, მაგრამ ეს “ქართული ოცნების” მიერ ერთპიროვნულად მიღებული და ამავე “ოცნების” მიერ ერთპიროვნულად დარღვეული კონსტიტუცია. ახლა მთელი ოპოზიციური სპექტრი ახალ კონსტიტუციაზე უნდა მუშაობდეს”, - განაცხადა იაგო ხვიჩიამ.
სიახლეები
- "ეს ომი ევროკავშირმა წააგო - მსოფლიო შეიცვლება, როდესაც ტრამპი თანამდებობას დაიკავებს"- ვიქტორ ორბანი რუსეთ-უკრაინის ომზე
- გზის გადაკეტვისთვის ნიკა გვარამია 5000 ლარით დააჯარიმეს
- “მზად ვარ, დავჯდე და ვიპოვო გამოსავალი, თუ როგორ დაინიშნოს არჩევნები” – სალომე ზურაბიშვილი
- “კახელებმა თავისი სათქმელი 26 ოქტომბერს საკმარისზე ხმამაღლა თქვეს და არავინ იფიქროს, რომ ვინმე 105 831 ამომრჩევლისთვის თვალის არიდებას შეძლებს” – პაპუაშვილი
- ტრამპმა პირობა დადო, რომ „შეაჩერებს ტრანსგენდერულ სიგიჟეს“
