" ჰელსინკის კომისიის მოსმენა გამოააშკარავებს, თუ როგორ ხდება „აგენტების კანონის“ ჰიბრიდული ბრძოლის ინსტრუმენტად გამოყენება " - გიგი წერეთელი
ჰელსინკის კომისიის მოსმენა გამოააშკარავებს, თუ როგორ ხდება „აგენტების კანონის“ ჰიბრიდული ბრძოლის ინსტრუმენტად გამოყენება, - აღნიშნულის შესახებ „ევროპული საქართველოს“ ერთ-ერთი ლიდერმა, გიგი წერეთელმა განაცხადა, რითაც ჰელსინკის კომისიაში 20 ივნისს ჩანიშნულ მოსმენას გამოეხმაურა.
მისი თქმით, ჰელსინკის კომისიაში 20 ივნისს არის კიდევ ერთი მოსმენა, რომელიც შეეხება იმ საკითხს, თუ როგორ ახდენენ რუსეთი და სხვა არადემოკრატიული რეჟიმები ჰიბრიდული ომის პირობებში სხვადასხვა ქვეყნებში მსგავსი კანონების ინიცირებას.
„ამერიკის კონგრესში, ჰელსინკის კომისიაში უკვე ერთი განხილვა იყო, სადაც ძალიან ბევრი რამ ნათელი გახდა, მაგრამ 20 ივნისს არის კიდევ ერთი მოსმენა, რომელიც შეეხება იმ საკითხს, თუ როგორ ახდენენ რუსეთი და სხვა არადემოკრატიული რეჟიმები ჰიბრიდული ომის პირობებში სხვადასხვა ქვეყნებში მსგავსი კანონების ინიცირებას.
ვფიქრობ, ეს კიდევ ერთხელ დაანახებს ყველას, თუ როგორ ორკესტრირებულად და მიზანმიმართულად ხდება ამგვარი კანონის ინიცირება, საზოგადოებაში დაძაბულობისა და პოლარიზაციის შეტანა, სამოქალაქო სექტორისა და მედიის დაშინება, განსაკუთრებით წინასაარჩევნო პერიოდში“, - აღნიშნა გიგი წერეთელმა.
სიახლეები
- სპაგეტისა და გუფთის წვნიანი
- "საქართველოს პარლამენტი სრულიად ლეგიტიმურად შეიკრიბა"- ლევან იოსელიანი
- "ოთხივე პოლიტიკური სუბიექტის მიერ ერთდროულად ამ გადაწყვეტილების მიღება იქნებოდა ბევრად უფრო სწორი, სამწუხაროდ, ეს ვერ მოხერხდა"- კუპრაძე – მანდატების ჩახსნაზე
- “როცა პოლიტიკური ველი შინაარსზე საუბრისგან დაცლილია, პარტიები იწყებენ ასე, მანდატების ჩახსნაზე საუბარს” – ბექა ლილუაშვილი
- "საბოლოოდ ოპოზიციური პარტიები შემოვლენ პარლამენტში, თუმცა, იქამდე თავიანთი ამომრჩევლის წინაშე კეკლუცობენ"- კახა კალაძე
