"მოქალაქეები ხედავენ, რა დღეშია და ვის ხელშია ქვეყანა "- გახარია ივანიშვილზე
პარტიის, „საქართველოსთვის“ თავმჯდომარე გიორგი გახარია მუქარად აღიქვამს პარტია „ქართული ოცნების“ საპატიო თავმჯდომარის, ბიძინა ივანიშვილის განცხადებას მისი და მისი თანაგუნდელების გასამართლებაზე. გახარიამ პარტიაში გამართულ ბრიფინგზე ყოფილ თანაგუნდელს სასოწარკვეთილი და შეშინებული უწოდა.
„მე არც გავცემ პასუხს, ეს პირდაპირ აჩვენებს საქართველოს მოქალაქეებს, რა დღეშია და ვის ხელშია ქვეყანა... რატომ იყო ეს ღია თავდასხმა ჩვენზე?! ივანიშვილმა კარგად იცის, რომ ჩვენ ვართ ის ძალა, ვინც დაამარცხებს "ოცნებას" ისე, რომ "ნაციონალურ მოძრაობას" ვერ და არ მოაბრუნებს ხელისუფლებაში. შიში, სახეზე დააკვირდით...
ბიძინა ის ადამიანია, რომელიც თვლის, რომ ყველა ხმა და ადამიანი მას ეკუთვნის, როგორც კერძო საკუთრებას, ასე უყურებს. ბიძინა თვლის, რომ ყველა ფული მისი ფულია და ყველა ხმა მისია. და თუ მას ხმას არ აძლევ, ხალხის მოღალატე ხარ“, - თქვა გიორგი გახარიამ.
გუშინ, 21 ოქტომბერს, ტელეკომპანია „იმედთან“ ინტერვიუში ივანიშვილმა პარტიის, „საქართველოსთვის“, ლიდერს „გარეწარი“ უწოდა და თქვა, რომ მის გასასამართლებლად „სასამართლოს დონეზე აქვთ დოკუმენტები დალაგებული“.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
