" ჩვენთან არჩევნებს არ ატარებენ „ენჯეოები“, საელჩოები და უცხოელი დამკვირვებლები, ჩვენთან არჩევნებს ატარებს ცესკო - დამთავრდა ის პერიოდი, როდესაც შეიძლება რაღაცაზე თვალი დაგვეხუჭა " - შალვა პაპუაშვილი
ჩვენ ვართ დამოუკიდებელი სახელმწიფო. ჩვენთან არჩევნებს არ ატარებენ „ენჯეოები“, საელჩოები და უცხოელი დამკვირვებლები. ჩვენთან არჩევნებს ატარებს ცენტრალური საარჩევნო კომისია, - განაცხადა პარლამენტის თავმჯდომარე შალვა პაპუაშვილმა.
მან აღნიშნა, რომ საერთაშორისო დამკვირვებლები პოზიტიურად აფასებენ ცესკოს მუშაობას და ორგანიზაციის პროფესიონალიზმს.
პაპუაშვილმა ასევე დასძინა, რომ ერთ-ერთი დამკვირვებლის, „ევროპის დამკვირვებლის ქსელის“ რიგებში „ისფედის“ ყოფილი ხელმძღვანელი ელენე ნიჟარაძე მუშაობს, რომლის ორგანიზაციამაც 2020 წლის არჩევნების შემდეგ პარალელური დათვლის "ყალბი შედეგები გამოაქვეყნა".
„ქალბატონი ელენე ნიჟარაძე ვითომ გადააყენეს და ამით დასაჯეს. რამდენიმე თვეში კი აღმოჩნდა ამ ორგანიზაციაში, თუ არ ვცდები მონტენეგროში არის მთავარი ოფისი. ამ ორგანიზაციას კი ზუსტად იგივე დონორი აფინანსებს, რომელიც „ისფედს“ აფინანსებს. აქაც სულელი არავინ არის. ასე რომ, აქაც თავს არავინ მოიტყუებს და დამთავრდა ის პერიოდი, როდესაც შეიძლება რაღაცაზე თვალი დაგვეხუჭა“, - განაცხადა შალვა პაპუაშვილმა გადაცემაში „არჩევანის პირისპირ“.
სიახლეები
- ,,სალომე ზურაბიშვილს თავი ფარაონი ჰგონია"- გურამ მაჭარაშვილი
- ,,ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი მათ, ხალხს მოუსმინონ"- შალვა პაპუაშვილი
- ,,შევდივარ ოპოზიციის მდგომარეობაში, რთულია ყოველდღე აქციები ატარო, თან როცა ქუჩის ქარიზმატული ლიდერები არ გვყავს"- გია ხუხაშვილი
- ,,იდიოტიზმს, რომელიც ახლა აქვთ მოწყობილი, იმ უიდეობას, რომელიც ახლა თბილისის ქუჩებში ხდება, სჯობს, დროზე შევიდნენ პარლამენტში"- იაგო ხვიჩია
- ძლიერ ქარიშხალს ორი ადამიანი ემსხვერპლა ვაშინგტონში
