ბიუროკრატიის ინდექსი, რომელიც მსოფლიო მმართველობის ინდიკატორების მეთოდოლოგიით გადამუშავდა, ქმნის გლობალურ რეიტინგს მმართველობის ეფექტურობის მიმართულებით.

Economist Intelligence Unit-ის კვლევამ მსოფლიოს 180 ქვეყანასა და ტერიტორიულ ერთეულში ბიუროკრატია ორი მიმართულებით შეაფასა:
პირველი – ბიუროკრატიის ხარისხი/ ინსტიტუციური ეფექტურობა და მეორე – ჭარბი ბიუროკრატიისაგან თავისუფლება.
საქართველომ ბიუროკრატიის ინდექსის მიხედვით შეფასების 100%-იანი სკალიდან 75% აიღო, რაც მისი ისტორიული მაქსიმუმია. მსოფლიო რეიტინგში საქართველო საუკეთესო სახელმწიფოებს შორის მე-20, ხოლო ევროპაში მე-13 პოზიციაზე გავიდა.

საქართველომ რეიტინგში გაასწრო ევროკავშირის კანდიდატ ყველა ქვეყანას, ნატოს და ევროკავშირის წევრ 18 სახელმწიფოს. ეს ქვეყნებია: ბელგია, კვიპროსი, უნგრეთი, ლიეტუვა, ლატვია, პორტუგალია, სლოვაკეთი, პოლონეთი, საბერძნეთი, ხორვატია, იტალია, ჩრდილოეთ მაკედონია, რუმინეთი, მალტა, მონტენეგრო, თურქეთი, ბულგარეთი, ალბანეთი. საქართველომ რეიტინგში თანაბარი შეფასება მიიღო ისეთი მოწინავე ქვეყნების გვერდით როგორიცაა შეერთებული შტატები, ავსტრია, ესპანეთი, ნიდერლანდები, ჩეხეთი, სლოვენია.