პრემიერი, მთავრობა, უმრავლესობა უნდა გაემიჯნონ იმ რაღაც სამეულებს, ოთხეულებს თუ ვიღაცებს, რომლებიც წარმოუდგენელი ტექსტებით და რიტორიკით გამოდიან, – ამის შესახებ საქართველოს პრეზიდენტმა, სალომე ზურაბიშვილმა განაცხადა.
გამომდინარე იქიდან, რომ ევროკავშირის მიერ დადგენილი 12 პუნქტის შესრულება ჩვენთვის განსაკუთრებული პრიორიტეტია, გამონაკლისის სახით, ერთჯერადად თვალს დავხუჭავთ სამართლებრივ პრინციპებზე და გენერალური პროკურორის არჩევის ახალ წესს ყოველგვარი წინაპირობის გარეშე მივიღებთ, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.
ფრაქცია „ნაციონალური მოძრაობის“ თავმჯდომარე ხატია დეკანოიძე მიიჩნევს, რომ სახალხო დამცველის არჩევის წესი იგივე უნდა დარჩეს და კანდიდატები არასამთავრობო ორგანიზაციებმა უნდა წარმოადგინონ.
პარტია „საქართველოსთვის“ თავმჯდომარის მოადგილის ნათია მეზვრიშვილის განცხადებით, პარტიამ „საქართველოსთვის“ სამუშაო ჯგუფებში წარადგინა 12 პუნქტის შესრულებისკენ მიმართული არაერთი წინადადება, რომლის მიზანია, შეიქმნას საფუძველი ქვეყანაში თავისუფალი და სამართლიანი არჩევნების ჩატარების, კორუფციის წინააღმდეგ ეფექტიანი ბრძოლის, მართლმსაჯულების დამოუკიდებლობის, არაფორმალური მმართველობის აღმოფხვრის და კონსენსუსზე დაფუძნებული დემოკრატიის უზრუნველსაყოფად.
პარტია „მოქალაქეების“ წევრის, ლევან იოსელიანის განცხადებით, პოლიტიკურ ამბიციებს კონკრეტული ადამიანების სამუშაო ადგილები არ უნდა შეეწიროს.
საქართველოს პრეზიდენტის მიერ დავით ბაქრაძის ამერიკის შეერთებულ შტატებში გაწეული საქმიანობის უარყოფითი შეფასება კვლავ ძალაშია, – ამის შესახებ საქართველოს პრეზიდენტის ადმინისტრაციის უფროსმა, ნათია სულავამ განაცხადა.
