მთავრობა ოთხ ელჩს თანამდებობიდან ათავისუფლებს
საქართველოს მთავრობამ დღეს, 26 აგვისტოს რამდენიმე ელჩის გათავისუფლების განკარგულება გამოსცა.
უახლოეს დღეებში თანამდებობას დატოვებენ: ჟენევაში გაეროს განყოფილებებსა და სხვა საერთაშორისო ორგანიზაციებში, ნატოსთან და საერთაშორისო საზღვაო ორგანიზაციაში წარმომადგენლები.
- პირველი ოქტომბრიდან თანამდებობას დატოვებს ალექსანდრე მაისურაძე. ის ჟენევაში გაეროს განყოფილებებსა და სხვა საერთაშორისო ორგანიზაციებში საქართველოს მუდმივი წარმომადგენლი იყო;
- ამავე დღიდან რევაზ ლომინაძე აღარ იქნება შვეიცარიის კონფედერაციაში საქართველოს საგანგებო და სრულუფლებიანი ელჩი;
- ვიქტორ დოლიძეს ნატოში წარმომადგენლის უფლებამოსილება 21 სექტემბერს ამოეწურება;
- 15 ოქტომბრიდან თანამდებობას დატოვებს სოფიო ქაცარავა, რომელიც საქართველოს წარმოადგენდა დიდი ბრიტანეთისა და ჩრდილოეთ ირლანდიის გაერთიანებულ სამეფოში. ის იყო ქვეყნის წარმოამდგენელი საერთაშორისო საზღვაო ორგანიზაციაშიც.
ერთ დღეს ოთხი ელჩის თანამდებობიდან გათავისუფლების შესახებ მთავრობაში მიღებულ გადაწყვეტილებას საგარეო საქმეთა სამინისტრო ელჩების უფლებამოსილების ვადის ამოწურვით ხსნის.
სიახლეები
- “ამ ჯერზე ევროპული განათლების სისტემისგან გვთიშავს” – სალომე ზურაბიშვილი კობახიძის განცხადებაზე
- “ნებისმიერ დემოკრატიულ სახელმწიფოში რასაკვირველია, ზოგადად, კითხვები დაისმება, როდესაც პრეზიდენტი თავის ოჯახს, დედამისს ჩუქნის შენობას” - გიორგი ვოლსკი
- “სააკაშვილის მიერ დედისთვის ერთ ლარად გადაცემული ტექნიკური უნივერსიტეტის შენობების საკითხს სჭირდება ახსნა-განმარტება” - გურამ მაჭარაშვილი
- “სტუდენტებს აშორებენ თბილისს, ამოცანაა ფულის დაზოგვაც, ასევე, სახელმწიფო უნივერსიტეტებს გაუყიდიან ქონებას - „განათლების რეფორმას“ არაფერი აქვს საერთო გაუმჯობესებასთან” - სერგი კაპანაძე
- 17 ოქტომბრის ასტროლოგიური პროგნოზი
