გიორგი ქადაგიძე დუშეთის მუნიციპალიტეტის იზოლატორშია გადაყვანილი
ეროვნული ბანკის ყოფილი პრეზიდენტი გიორგი ქადაგიძე, რომელიც გუშინდელ აქციაზე დააკავეს, დუშეთის მუნიციპალიტეტის იზოლატორშია გადაყვანილი. ამის შესახებ „ინტერპრესნიუსს“ქადაგიძის ადვოკატმა, შოთა კახიძემ განუცხადა.
შოთა კახიძის თქმითვე, გიორგი ქადაგიძის წინააღმდეგ გამოძიება ადმინისტრაციული სამართალდარღვევათა კოდექსის, 173-ე მუხლით მიმდინარეობს, რაც სამსახურებრივი მოვალეობის შესრულების დროს, სამართალდამცავი ორგანოს თანამშრომლის და სხვა შესაბამისი სახელმწიფო ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.
ცნობისთვის, ეროვნული ბანკის ყოფილი პრეზიდენტი 2 თებერვალს მიმდინარე საპროტესტო აქციაზე, სანაპიროზე, ვახუშტის ხიდის მიმდებარე ტერიტორიაზე დააკავეს.
შეგახსენებთ, რომ შინაგან საქმეთა სამინისტრომ 2 თებერვალს საპროტესტო აქციაზე, ჯამში 31 პირი დააკავა, რომელთა წინააღმდეგ ადმინისტრაციული სამართალწარმოება მიმდინარეობს. მათივე ცნობით, დაკავებულთა დიდმა ნაწილმა, იზოლატორი ხელწერილის საფუძველზე უკვე დატოვა.
სიახლეები
- ,,მოლაპარაკებები უკრაინასთან და რუსეთთან საკმაოდ კარგად მიმდინარეობს"- დონალდ ტრამპი
- ილონ მასკი აცხადებს, რომ დონალდ ტრამპი USAID-ის დახურვას ეთანხმება
- ,,რაკი ჩვენს უფლებამოსილებებს აღიარებდნენ, რაღაც უნდა გადაეგდოთ იმ მყეფარე ძაღლებისთვის, რომლებიც დერეფნებში დაძრწოდნენ"- თეა წულუკიანი
- ,,რეპრესიების ახალი ტალღა - „ტიტუშკების“ ხროვამ კვლავ გამოიყენა არაპროპორციული ძალა"- სალომე ზურაბიშვილი
- ,,მკვლელი „ნაცები“ გვამუნათებენ ჩვენ პოლიციელის მიერ ძალის გამოყენებაზე, ის ხალხი, რომელიც უშუალოდ კლავდა – ამიტომ ვერ მივიღებთ მათგან ვერანაირ შენიშვნას"- მამუკა მდინარაძე
