71 წლის აზა ჩილაჩავას, რომელსაც აქციაზე სახის დაფარვას ედავებოდნენ, სასამართლომ სიტყვიერი შენიშვნა გამოუცხადა
გაგრიდან დევნილი, 71 წლის აზა ჩილაჩავა, რომელსაც შსს სახის დაფარვას ედავებოდა, მოსამართლე თორნიკე ქოჩქიანმა ადმინისტრაციულ სამართალდამრღვევად ცნო.
ქოჩქიანმა ჩილაჩავას სიტყვიერი შენიშვნა გამოუცხადა.
აღნიშნულის მიზეზი თავად შინაგან საქმეთა სამინისტროს პოზიცია გახდა, ვინაიდან უწყება ჩილაჩავას მიმართ ადმინისტრაციული პატიმრობის გამოყენებას არ ითხოვდა.
პროცესს აზა ჩილაჩავა არ ესწრებოდა. როგორც მისმა ადვოკატმა მარიამ პატარიძემ განაცხადა, მან მოსამართლის სხდომის მდივნისგან სხდომის გადადების შესახებ ინფორმაცია მიიღო, თუმცა პროცესი მათ გარეშე ჩატარდა, ჩილაჩავას კი ადვოკატი საზოგადოებრივი წესით დაენიშნა.
აზა ჩილაჩავას 19 ოქტომბერს, რუსთაველის გამზირზე სახის დაფარვას ედავებოდნენ.
სიახლეები
- პროკურატურის ცნობით, დააკავეს ლილუაშვილთან დაკავშირებული პირი, რომლის ბინიდანაც $1,319,300 ამოიღეს
- ბოდბელი ეპისკოპოსი ამერიკის შეერთებულ შტატებში იმყოფება
- “მზია ამაღლობელს ევრო პარლამენტმა ა.სახაროვის პრემია მიანიჭა! საინტერესოა პრიზი საბჭოთა წყალბადის ბომბის ქანდაკებაა?” - გიორგი ხაინდრავა
- სერბეთის პრეზიდენტმა პარლამენტთან სროლა ტერაქტად შეაფასა
- უცხოური ვალუტის ოფიციალური კურსი 23 ოქტომბრისთვის
